Un breakout educativo é unha actividade gamificada na que se debe resolver unha serie de retos, enigmas e probas para “escapar” dunha situación abrindo un cadeado dunha caixa ou conseguir un obxectivo final de aprendizaxe
Exemplo:
Coa resolución deste breakout aprenderemos sobre os deportes individuais e os deportes de raqueta.
Cadeado
Definición:
Un cadeado é un dispositivo físico ou ben dixital que desbloquea pistas, caixas, dá paso a outra misión... ou a súa apertura supón a misión final do xogo.
Exemplo:
Abrimos a caixa misteriosa 1 atopando a combinación do cadeado final.
Enigmas/desafíos
Definición:
Actividade de lóxica, busca, cooperación, cálculo ou de coñecemento dun contido educativo para obter unha pista ou abrir un cadeado.
Exemplo:
Non fomos capaces de resolver o enigma e non conseguimos pasar á seguinte misión.
As probas de selección
A gran selección galega está a piques de comezar!
Ata o de agora estivestes a adestrarvos para deseñar as mellores probas físicas do proceso selectivo. Neste apartado afondaredes nos enigmas e desafíosmentais propios dun breakout. Podedes atopalos a continuación, xunto con exemplos e modelos/padróns para reutilizar e adaptar durante o voso reto. Adiante!
Lectura facilitada
A gran selección galega está a piques de comezar!
Coñecedes as mellores probas físicas do proceso selectivo.
Neste apartado afondaredes nos enigmas e desafíos mentais propios dun breakout.
Podedes atopalos a continuación.
Tamén veredes exemplos e modelos/padróns.
Poderedes reutilizar e adaptar estes recursos para o voso reto.
Adiante!
Audio
Caixas, cadeados e contadores
As caixas e cadeados son elementos fundamentais de calquera breakout.
Caixas
As caixas utilízanse para conter o "tesouro", é dicir, a recompensa final ou a resolución final da aventura. En lugar de caixas pódense empregar maletíns ou cartafoles.
En liña coa narrativa do voso breakout, podedes crear unha urna olímpica como se amosa no seguinte exemplo:
Nesta ligazón tes información sobre como crear caixas misteriosas: Caixas misteriosas.
Cadeados
Os cadeados serven para pechar as caixas, maletíns ou cartafoles. Poden ser físicos ou dixitais.
Os cadeados de tres ou catro díxitos na súa combinación de apertura adoitan ser os máis usados.
Na imaxe seguinte amósase un cadeado de tres díxitos na súa combinación de apertura:
Preme na seguinte imaxe para acceder a un cadeado dixital:
Para descargar o exemplo de cadeado:
Facede clic co botón dereito na seguinte ligazón e premede en "Gardar como". Descargarase no voso ordenador. Despois podedes editar os parámetros e aspecto do mesmo, así como, o contrasinal (por defecto é "1234").
Os contadores de tempo permiten acoutar a duración das probas ou do breakout completo, o que engade máis emoción ao proceso de resolución. Distínguense entre cronómetros e contas regresivas.
Preme na imaxe para acceder a un cronómetro:
* Se queredes descargar o arquivo HTML premede co botón dereito sobre a imaxe e logo en "Gardar como".
Para descargar o exemplo de cronómetro:
Premede na seguinte ligazón ou facede clic co botón dereito e premer en "Abrir unha nova lapela" no menú emerxente. Tamén podedes premede na anterior imaxe.
As contas regresivas son perfectas para controlar/limitar o tempo de duración dunha proba ou do mesmo breakout.
Preme na imaxe para acceder a unha conta regresiva:
* Se queredes descargar o arquivo HTML premede co botón dereito sobre a imaxe e logo en "Gardar como".
Para descargar o exemplo de conta regresiva:
Premede na ligazón seguinte ou facede clic co botón dereito e premer en "Abrir unha nova lapela" no menú emerxente. Tamén podedes nas imaxes anteriores.
Unha mensaxe cifrada é unha mensaxe escrita de maneira que só a poida entender quen coñeza a clave ou o método para descifrala. Hai diferentes maneiras de cifrar mensaxes.
Cifrado César
Consta de dous discos concéntricos que viran un ao redor do outro. O disco externo, o máis grande, representa o alfabeto completo e o externo, o máis pequeno, o alfabeto cifrado.
A continuación tedes un modelo/padrón cun exemplo de disco olímpico (cómpre facer clic sobre a imaxe para descargala).
É necesario dar a clave para que o receptor da mensaxe poda descifrala. Por exemplo, se a clave é 2, entón viraremos o disco interior no sentido das agullas do reloxo dúas posicións, así a letra C será a letra A na mensaxe encriptada.
Se queredes saber máis sobre as mensaxes cifradas tedes máis información nas seguintes ligazóns:
Pregunta: Onde naceron os Xogos Olímpicos na Antigüidade?
Mensaxe Cifrado (clave 2): QNKÑRKC
Desencriptado: OLIMPIA
Podedes elaborar tarxetas con preguntas relacionadas cos contidos vistos ao longo da Fase 3. A resposta pode ser a clave para descifrar unha mensaxe co disco cifrado. Fíxate no exemplo inferior:
Resposta: será a 1, que será a clave para descifrar a mensaxe encriptada co disco.
Código Morse
O código Morse, tamén chamado alfabeto Morse, é un sistema de representación de caracteres mediante sinais intermitentes, usando puntos (·) e raias (−) para cada letra, número ou signo de puntuación.
Utilizando un alfabeto diferente podedes encriptar mensaxes secretas que leven a outras pistas/enigmas.
As persoas participantes deben ter a clave para poder descifrar a mensaxe. Esta clave poden gañala noutra proba/enigma ou levala con eles dende o inicio.
A continuación tedes un exemplo dun alfabeto encriptado: na parte superior aparecen as letras do abecedario e, debaixo, os símbolos correspondentes. Con imaxinación, papel e lapis poderedes crear o voso propio.
No seguinte documento tedes un modelo coas instrucións para utilizar. Preme na imaxe para descargalo documento en formato *.pdf:
Creade o voso alfabeto encriptado
Na seguinte web tedes unha ferramenta para crear unha fonte caligráfica que poderedes utilizar en calquera programa de edición de texto. Isto é especialmente útil para crear as mensaxes encriptadas.
Para crear este cifrado necesitaredes unha táboa onde introduciredes o texto e unha reixa de papel cuns buratos (que teredes que perforar ou recortar) en celas específicas que poñeredes encima da táboas.
REIXA: TÁBOA:
Ao virar a reixa 90 grados en sentido horario, debería amosarse parte do texto. Para completar a mensaxe deberedes virar 3 veces máis do mesmo xeito e iredes completando, así, a mensaxe oculta.
Primeiro deberás codificar a mensaxe e imprimir a táboa coas letras e as celas en negro para recortar aquelas que sexan necesarias.
Nesta páxina web tedes un codificador de mensaxes en reixa: Codificador de reixa
Lectura facilitada
É necesario coñecer a clave para descifrar unha mensaxe cifrada.
Hai diferentes maneiras de cifrar mensaxes:
Cifrado César
Son dous discos concéntricos que viran un ao redor do outro.
O disco externo, o máis grande, representa o alfabeto completo.
O externo, o máis pequeno, o alfabeto cifrado.
Aquí tedes un modelo de exemplo de disco olímpico (preme sobre a imaxe para descargala).
Necesitamos a clave para descifrar.
Por exemplo, se a clave é 2, viramos o disco interior no sentido das agullas do reloxo dúas posicións.
Así a letra C será a letra A na mensaxe encriptada.
Se queredes saber máis sobre os mensaxes cifrados tedes máis información nos seguintes ligazóns:
Agochar mensaxes é útil para crear misterio, fomentar o pensamento e motivar aos participantes a investigar e resolver misterios. A continuación podedes atopar diferentes recursos para facer invisibles as mensaxes do voso breakout.
Tinta UV
Os bolígrafos de tinta ultravioleta (UV) adoitan ter unha lanterna UV e un rotulador de tinta invisible. No caso de non ter a lanterna UV, podedes usar un anaco de papel adhesivo azul ou lila e colocalo sobre a luz da lanterna do móbil.
Tinta invisible
Outra forma caseira de fabricar tinta invisible é con zume de limón.
Material necesario:
Un escarvadentes.
Medio limón.
Unha folla de papel.
Mollades o escarvadentes no limón e escribides con el no papel. Deixades que se seque. Logo, para descubrir a mensaxe, achegádeo a unha fonte de calor intensa (pero ollo, que non se queime o papel). Irá aparecendo a mensaxe invisible como por arte de maxia.
Mensaxes en espello
Teredes que escribir nun papel a mensaxe que queredes agochar para logo poñela diante dun espello e facerlle unha foto.
Aquí tedes un exemplo co lema olímpico: "Citius, altius, fortius".
Codificador de cores
O codificador de cores permitiravos agochar unha mensaxe nun feixe de caracteres aparentemente sen sentido. Fíxate nas seguintes imaxes. A primeira imaxe (imaxe da esquerda) está codificada cunha serie de cores e ao poñer o filtro de cor vermello enriba aparece a mensaxe secreta (imaxe da dereita):
Mensaxe codificada de cor Mensaxe descodificada co filtro
Recursos para crear mensaxes cifrados por cor:
Procesador de textos: dándolle cores frías e tons escuros ás letras que compoñen a vosa mensaxe (verde e azul) e cores cálidas (amarelo, laranxa e vermello) ao resto de letras. A vosa mensaxe quedaría ao descuberta cun filtro vermello.
Agochar mensaxes é útil para crear misterio e motivar aos participantes a resolver os misterios.
A continuación tedes varios recursos para facer invisibles as mensaxes:
Tinta UV
Os bolígrafos de tinta ultravioleta (UV) teñen unha lanterna UV e un rotulador de tinta invisible.
Se non tedes a lanterna UV, colocade un anaco de papel celofán azul ou lila sobre a luz da lanterna do móbil.
Tinta invisible
Podedes facer tinta invisible co zume de limón.
Necesitades un escarvadentes, medio limón e papel.
Mollade o escarvadentes no limón e escribide no papel.
Cando seque achegade o papel a unha fonte de calor e aparecerá a mensaxe: maxia!
Mensaxes en espello
Escribide nun papel a mensaxe.
Logo poñédevos diante dun espello para facerlle unha foto.
Este é un exemplo co lema olímpico: "Citius, altius, fortius"
Codificador de cores
O codificador de cores permitiravos agochar unha mensaxe.
A primeira imaxe da esquerda está codificada con varias cores.
E co filtro de cor vermello enriba aparece a mensaxe secreta (imaxe da dereita):
Mensaxe codificada de cor Mensaxe descodificada co filtro
Para crear mensaxes cifradas por cor empregade:
Procesador de textos: dándolles cores frías e tons escuros ás letras da vosa mensaxe (verde e azul) e cores cálidas (amarelo, laranxa ou vermello) ao resto de letras.
A vosa mensaxe quedaría ao descuberto cun filtro vermello.
Un quebracabezas é un xogo no que hai que xuntar pezas ata formar unha imaxe completa. Podedes empregar imaxes ou infografías sobre pas ou atletismo no voso breakout de selección. Fixádevos na seguinte imaxe co reixa de quebracabezas superposta lista para recortar as peza:
Podedes elaborar quebracabezas físicos en papel ou cartón ou ben nun formato dixital:
Aquí tedes uns modelo para superpoñer a unha imaxe física. Logo soamente queda recortar as pezas e tamén podedes plastificalas para que duren máis:
Esta ligazón levaravos a unha páxina para elaboralos en formato dixital. Necesitaredes un dispositivo para a súa visualización: Xerador de quebracabezas dixitais
Encrucillados
É un recurso que pode valer como unha chave para acceder a outras probas ou enigmas. Tamén pode servir para probar coñecementos como vocabulario técnico específico do atletismo e as pas.
Estes códigos poden albergar información en distintos formatos:
Texto plano, como preguntas teóricas sobre contidos relacionados cos deportes individuais traballados.
Ligazóns a quebracabezas, encrucillados...
Sons, como arquivos de audio cos contidos necesarios para resolver unha proba ou indicacións para pasar á seguinte.
A continuación tedes un exemplo de código QR de texto plano. Lembrade que é necesario dispor dun dispositivo co que escanealo.
A continuación tedes unha páxina web gratuíta e sen rexistros para crear códigos QR: Xerador de códigos QR
Mensaxe con "perspectiva"
Outra opción interesante é os snotes. Primeiro tedes que crear a mensaxe ou palabras dentro dun debuxo. Logo, para poder descifralo, teredes que cambiar a perspectiva de visión (baixade a vista ata o nivel da mesa onde está a folla co debuxo impreso) e visualizar as palabras ocultas xirando a folla noventa grados de cada vez.
A continuación tedes un exemplo dun snotes (primeira imaxe) coas fases do salto de lonxitude:
Un aspecto que pode apoiar a narrativa do voso breakout ou como medio para dirixirvos a outra pista/proba (por exemplo, unha mensaxe en cifrado de reixa dentro da mesma noticia) son as noticias en periódicos ou revistas:
Agora que xa coñecedes os distintos tipos de enigmas/desafíos mentais que poderedes empregar no proceso de selección do COG, é momento de probar a empregalos.
Elaborade, xunto co resto de persoas integrantes do voso grupo de traballo (Comisión Técnica) como mínimo un dos enigmas vistos nesta páxina.
Lembrade que disporedes de 1 sesión para elaborar o material.
Tedes varias opcións, así que, primeiro elixide un tipo de enigma: mensaxe cifrado, mensaxe invisible, quebracabezas... e logo creade o voso enigma/desafío.
Unha vez elaborada a vosa proposta, achegádella á persoa docente a través da tarefa da aula virtual que vos indique.
A continuación, tedes a folla de rexistro para esta tarefa. Premede nela para descargala en versión editable (ODT). Máis abaixo tedes a ligazón para descargala en diferentes formatos:
Lectura facilitada
Duración: 1 sesión Agrupamento: Pequeno grupo
Coñecedes os distintos tipos de desafíos mentais.
Elaborade un deles co voso grupo.
Escollede o desafío que queredes crear.
Tedes unha sesión para elaborar o desafío que escollades.
Cando rematedes, entregádeo.
A persoa docente vos indicará onde entregalo.
Premede na imaxe seguinte para descargar a folla de rexistro desta tarefa en versión editable (ODT):
A continuación podedes descargala en diferentes formatos.
É un recurso que pode valer como unha chave para acceder a outras probas ou enigmas. Tamén pode servir para probar coñecementos como vocabulario técnico específico do atletismo e as pas.
BATIDA
VOO
CAÍDA
