Saltar navegación

3.4. Calzado alado (Velocidade)

 

Glosario

Amplitude

Persoa de pé enriba doutraDefinición:

É a distancia que temos entre cada pé cando facemos unha carreira

Exemplo:

Canto máis separas a zancada, máis amplitude tes

Axilidade

Persoa de pé enriba doutraDefinición:

É a capacidade de cambiar de dirección e de posición do corpo rapidamente, mantendo ao mesmo tempo equilibrio, control e coordinación

Exemplo:

Cambiar rapidamente de dirección, esquivar ao rival e seguir correndo sen perder o equilibrio nin o control do balón

Frecuencia

Persoa correndoDefinición:

É a velocidade á que moves os pés nunha carreira

Exemplo:

Se vas rápido con pasos curtos, vas ter moita frecuencia

Telegrama de Vittalo Motore

[TELEGRAMA ENTRANTE: Bip, bibi-bip, bip, bibi-bip, bip, biiiip...]

Insignia Velocidade

Boas de novo, axente!

Desta volta seguimos co segundo piar para a batalla… Para superar os movementos e as trampas de Sedentor, cómpre a velocidade. A túa misión é comprender os distintos tipos de velocidade, a forma na que se mellora e tamén como avaliala. O dominio deste contido é esencial para a túa supervivencia no campo de batalla. Como recompensa de éxito, ao completar a misión, a Axencia enviarache o CALZADO ALADO.

EFECTO: Ao equipar este calzado, a túa velocidade de movemento aumenta exponencialmente. Poderás correr máis rápido e dar máis golpes por minuto a Sedentor, o que che permitirá encadear combos imparables.

Non perdas nin un segundo. Ánimo!

V. Motore

[FIN DA TRANSMISIÓN]

Lectura facilitada

Insignia VelocidadeTELEGRAMA ENTRANTE

Debes aprender sobre a velocidade.

Como recompensa recibirás calzado alado.

Coa recompensa poderás atacar máis rápido ao Sedentor.

Ánimo!

Que é a velocidade

O Sedentor gaña cada vez que queres chegar rápido a coller o autobús e non es capaz. Para combatelo cómpre mellorar a velocidade.

A velocidade é a capacidade que nos permite facer algo no menor tempo posible.

Existen distintos tipos de velocidade:

De desprazamento

Desprazarse dun lugar a outro o máis rápido posible.

Por exemplo facer os 100 metros en atletismo nunha boa marca.

De reacción

Responder a un estímulo no menor tempo posible.

Un bo exemplo podería ser reaccionar a un disparo de saída nunha carreira.

Aceleración

Aumentar a velocidade nun determinado tempo.

Por exemplo un corredor acelera cando pasa de parado na saída, a aumentar a súa velocidade nos primeiros metros da carreira.

Xestual

Executar un movemento aislado ou un xeto técnico no menor tempo posible.

Por exemplo levantar e coller unhas pedras do chan antes de que caian.

Lectura facilitada

A velocidade é facer algo no menor tempo.

Existen 4 tipos de velocidade:

  • Velocidade de desprazamento.
  • Velocidade de reacción.
  • Aceleración.
  • Velocidade xestual.

Apoio visual

Esquema visual que explica os tipos de velocidade

Cales son as vantaxes de traballar a velocidade?

Un bo desenvolvemento desta capacidade vai ter efectos na saúde:

  • Mellora da atención e dos reflexos: Axuda a reaccionar rápido en deportes e na vida diaria, como esquivar obstáculos ou coller algo a tempo.
  • Movemento máis rápido e eficiente: Permite desprazarse e realizar accións con maior facilidade e menos esforzo.
  • Fortalece a conexión cerebro-músculo: Mantén a coordinación e a destreza, facendo que o corpo responda mellor aos estímulos.
  • Estimula o sistema nervioso: Fai que o cerebro e o corpo se activen, mellorando a rapidez de reacción e a percepción do entorno.
  • Prevén lesións: Un corpo rápido e áxil pode esquivar movementos perigosos e manter un bo equilibrio, reducindo o risco de caídas ou golpes.
  • Favorece a confianza e o benestar físico: Mellorar a velocidade dá sensación de control sobre o corpo e aumenta a motivación e a autoestima ao practicar deporte ou realizar tarefas físicas.

Lectura facilitada

Beneficios de mellorar a velocidade

  • Mellora a atención e os reflexos.
  • Movemento máis rápido e eficiente.
  • Fortalece a coordinación.
  • Prevén lesións e aumenta a confianza.

Métodos de traballo

Existen moitas maneiras de traballar esta capacidade:

  • Saídas desde posicións variadas (sentado, de costas, tumbado) para mellorar a velocidade de reacción.
  • Carreiras con cambios bruscos de dirección para traballar a aceleración e a axilidade.
  • Condución de balón a alta velocidade (fútbol ou baloncesto) para combinar velocidade e coordinación.
  • Carreiras progresivas aumentando a velocidade pouco a pouco ata chegar ao máximo.
  • Percorridos curtos con obstáculos baixos para mellorar a velocidade e a capacidade de sortear elementos rapidamente.

Lectura facilitada

Pódese traballar a velocidade de moitas maneiras:

  • Saídas rápidas desde diferentes posicións.
  • Carreiras con cambios de dirección.
  • Carreiras progresivas aumentando a velocidade.

Que aprendiches da velocidade

Le o parágrafo seguinte e escribe as palabras que faltan.

Moverse con moita rapidez pódese considerar adestramento de . Cando falamos desta capacidade falamos de facer o que está proposto no tempo posible. Entre os de velocidade podemos ver os relacionados coa velocidade de e a velocidade nos xestos. Así consideramos velocidade de como a capacidade de resposta a un estímulo no menor tempo posible, a capacidade de como esa velocidade progresiva que vai desde o inicio do movemento ata que chegamos a máxima velocidade e por último a de que relaciona o espazo recorrido co tempo para recorrelo. Non esquezamos a velocidade ou capacidade para facer xestos coa maior rapidez posible.

Activar JavaScript

A practicar!

Agrupamento: Individual

Instrucións do desafío

Tes que facer unha carreira cronometrada do seguinte xeito:

Saída desde un cono situado a 9 metros de outro e que ten dous conos a mesma altura colocados 4,5 metros á dereita e 4,5 metros á esquerda.

Carreira cara diante 9 metros e tocar o cono central.

Carreira lateral 4,5 metros cara a dereita a tocar o cono da dereita.

Carreira lateral 9 metros cara a esquerda a tocar o cono da esquerda.

Carreira lateral 4,5 metros cara a dereita a tocar o cono central.

Carreira cara atrás 9 metros para tocar o primeiro cono e finalizar.

Garda o teu tempo, terás que melloralo máis adiante.

A practicar!

Agrupamento: Parellas ou pequenos grupos

Instrucións do desafío

Neste desafío tenta facer o máis rapidamente posible a secuencia que che propón o teu compañeiro ou compañeira.

Os dous niveis que che propoñemos son:

  1. Tocar o cono de un en un. Ir ao que che di e esperar ao seguinte.
  2. Tocar os conos do lado da cor que che di, seguindo o sentido das agullas do reloxo.

Grávate e móstrallo a #017 na clase para que cho valore.

Instrucións do desafío

Desta volta precisas dous globos e un compañeiro ou compañeira de adestramento. Colocados un fronte a o outro debemos golpear cara arriba o globo e ir golpear ao do outro lado sen que caian. Tentaremos manter o globo no aire durante todo o tempo que poidades.

Os dous niveis propostos son:

  1. Colocados a 5 metros un do outro e golpeando dúas veces cada globo antes de cambiar.
  2. Colocados a 5 metros un do outro e golpeando unha vez cada globo antes de cambiar.

Grávate e móstrallo a #017 na clase para que cho valore.

Feito con eXeLearning (Nova xanela)