Definición:
Son os exercicios onde facemos forza, pero sen movernos
Exemplo:
Aguanta na plancha durante 30 segundos
Definición:
Son os exercicios de forza onde o músculo aumenta e disminúe de tamaño
Exemplo:
Nunha flexión cando baixamos facemos forza excéntrica e cando subimos concéntrica
[TELEGRAMA ENTRANTE: Bip, bibi-bip, bip, bibi-bip, bip, biiiip...]
AXENTE, ATENCIÓN!
Unha das claves para derrotar ao Sedentor reside na forza. Esta é a túa misión inicial: debes dominar as manifestacións, o desenvolvemento e a avaliación da forza ao longo das vindeiras sesións. Só co dominio teórico-práctico deste contido poderás empregalo na batalla final. Ao completar a misión, a Axencia enviarache os GUANTES DE BOXEO!!!
EFECTO: Estes guantes canalizan toda a forza muscular do portador nun único punto de impacto. Cando golpees a Sedentor, os teus ataques serán máis contundentes e penetrarán as súas defensas con facilidade, outorgándoche un aumento no dano crítico.
Executa a misión con determinación! Ánimo!
V. Motore
[FIN DA TRANSMISIÓN]
TELEGRAMA ENTRANTE
Debes aprender sobre a forza.
Como recompensa recibirás uns guantes de boxeo.
Coa recompensa poderás facer máis dano con cada golpe ao Sedentor.
Ánimo!
A forza é unha das capacidades físicas máis importantes que tes. É, basicamente, a capacidade que teñen os teus músculos para pelexar contra unha carga (un peso extra que suxeitamos, o teu propio corpo, ou mesmo a gravidade).
A ver, hai que ser claros: ter uns músculos fortes non é só cousa de deportistas. A forza é a base para ter unha vida longa e de calidade. Lembras ao Sedentor? Ese bicho que vive na preguiza? Pois o seu obxectivo é que sexas tan frouxo que che custe abrir un frasco, cargar a mochila que levas ao instituto ou mesmo erguerte do sofá. Se non tes forza, o Sedentor gaña.
En resumo, a forza é a unha garantía que temos facer as tarefas do día a día e que resulten moito máis sinxelas.
Non toda a forza é igual. Usamos os músculos de xeitos diferentes dependendo do que queiramos facer. Segundo como os usemos, podemos distinguir entre:
É a forza que empregas en situacións nas que precisas toda a túa forza para mover algo que é case imposible de mover. O movemento é lento, e sen descanso, non serás capaz de repetir ese esforzo varias veces.
Exemplo: vas no coche e atopas unha árbore grande que tapa todo camiño, polo que baixas para intentar mover o tronco a unha beira para continuar o teu camiño. Difícil, non si? Terás que usar o 100% da túa forza para logralo, verdade? Neste caso, estarías empregando a túa forza máxima.
É a capacidade de facer moita forza á máxima velocidade posible. Aquí non vale só con ser forte, tes que facelo rápido.
Exemplo: pensa cando xogas a tirarte na piscina, e queres saltar o máis lonxe e alto posible para facer unha bomba. Para que o salto sexa grande non serve só que te impulses forte coas pernas contra o chan, senón que tamén debes facelo con rapidez. Se o impulso coas pernas é a cámara lenta, non saltas. En conclusión, tes que usar a forza explosiva para facer moita forza a moita velocidade.
É a forza que che permite facer un exercicio moitas veces sen cansar ou aguantar o esforzo durante moito tempo. A carga é lixeira, pero a loita é contra o tempo e a fatiga.
Exemplo: pensa cando estás de excursión cunha mochila ás costas e toca subir moitas escaleiras ou unha pendente cara arriba. A mochila non ten un peso elevado, pero con cada paso que das tes que esforzarte en levantar o teu corpo máis a mochila. Cando dás os primeiros pasos non son complicados, pero é preciso ter unha boa forza de resistencia para poder estar así durante horas.
A forza é a capacidade dos músculos para mover ou soportar pesos.
Ter forza non é só para deportistas: axuda a vivir mellor e durante máis tempo.
Se non temos forza, actividades sinxelas como cargar a mochila ou erguerse do sofá fanse difíciles.
A forza facilita as tarefas do día a día e mellora a nosa calidade de vida.
Existen tres tipos de forza:
Un traballo de forza axeitado vai repercutir na túa saúde da seguinte maneira:
Beneficios de traballar a forza:
Existen diferentes formas de traballar a forza:
Formas de traballar a forza:
Le o parágrafo seguinte e escribe as palabras que faltan.
Neste desafío debes avanzar 10 metros facendo saltos ou burpees o máis rápido posible. Cronométrate e anota o teu tempo.
Podes escoller o teu nivel de complexidade entre os seguintes:
Grávate e móstrallo a #017 na clase para que cho valore.
Neste desafío debes facer agachamentos mentres o globo está no aire. Os tres niveis de dificultade son:
Grávate e móstrallo a #017 na clase para que cho valore.
Imos traballar o teu CORE. Proba a facer unha plancha lateral mentres golpeas un globo tantas veces como queiras cara arriba sen que caia ou ata que canses.
Os dous niveis que podes tentar son:
Este desafío tamén o podes atopar no adestramento do corpo (control postural).
Grávate e móstrallo a #017 na clase para que cho valore.
Neste desafío debes quedar con algún compañeiro ou compañeira para facer flexións de cóbados coordinadas do seguinte xeito:
Flexión de cóbados e chocamos a man dereita, flexión de cóbados e chocamos a man esquerda e facede cantas poidades.
Os tres niveis que che propoñemos son:
Grávate e móstrallo ao axente #017 na clase para que cho valore.
Desta volta tocarache transportar e ser transportado por un compañeiro ou compañeira. Desprázate 5 metros levando a alguén e volvede cambiando o transportador e o transportado.
Os tres niveis que che propoñemos son:
Grávate e móstrallo ao axente #017 na clase para que cho valore.
Licenciado baixo a Licenza Creative Commons Atribución Non-comercial Compartir igual 4.0