Glosario
Bifurcar
-
Definición:
-
Dividir ou separar algo en dous ramais, brazos ou direccións.
-
Exemplo:
-
Un cruceiro marca a bifurcación do camiño.
Xogo programado, reto superado
2.3. Falando coa controladora
Estruturas de programación
Como xa sabes, todo programa está formado por algoritmos, é dicir, por secuencias finitas e ordenadas de instrucións que permiten executar unha acción concreta.
Antes de escribir o programa nunha linguaxe determinada, é habitual representar o algoritmo mediante un diagrama de fluxo. Un diagrama de fluxo é unha ferramenta gráfica que permite visualizar os pasos do proceso e comprender con claridade a lóxica do seu funcionamento.
Nun diagrama de fluxo utilízanse símbolos para indicar o inicio e os procesos. Por exemplo, este sería o diagrama de fluxo para o algoritmo que acende as luces na controladora Adafruit Playground (PCE) (programa da esquerda) ou micro:bit (programa da dereita).
Lectura facilitada
Todo programa está formado por algoritmos.
Un algoritmo é unha serie ordenada de instrucións.
Esas instrucións serven para realizar unha acción.
Antes de escribir un programa, pódese facer un diagrama de fluxo.
Un diagrama de fluxo mostra os pasos dun proceso.
Un diagrama de fluxo axuda a entender como funciona un algoritmo.
Nun diagrama de fluxo úsanse símbolos.
Eses símbolos indican o inicio e os procesos.
Este é un exemplo dun programa que acende as luces nas controladoras Adafruit Playground (PCE) ou micro:bit.
Audio
Pero, ademais, tamén se empregan outros símbolos para representar as estruturas básicas da programación que coñeces de cursos anteriores:
Estruturas secuenciais
Son as estruturas máis básicas, son as accións que se executan unha tras outra. No diagrama de fluxo represéntanse do seguinte xeito:
.png "Diagrama fluxo 2 secuencias")
Estruturas condicionais
En moitos programas, a acción principal bifúrcase en función de diversas condicións. Por exemplo, na controladora podes decidir facer algo cando o botón "A" se preme.
.png "Diagrama fluxo 4 condicionais")
Bucles
Cando unha parte do proceso debe repetirse varias veces, en lugar de escribir as mesmas instrucións unha e outra vez, convertémola nun bucle, é dicir, nunha estrutura que permite executar automaticamente esa repetición.
.png "Diagrama fluxo 3 bucles")
Lectura facilitada
Estruturas básicas de programación:
Estruturas secuenciais
Son as estruturas máis simples.
Nelas, as accións fanse unha despois da outra.
No diagrama de fluxo vense así:
Estruturas condicionais
Nestas estruturas, a acción cambia segundo unha condición.
Por exemplo, a controladora pode actuar cando se preme un botón.
Bucles
Un bucle serve para repetir unha acción.
Así non hai que escribir o mesmo varias veces.
Audio
Transcrición das infografías
Estruturas secuenciais
Por exemplo.
Inicio.
Acende as luces.
Apaga as luces.
Acende as luces.
Programa para Adafruit Circuit Playground Express:
Ao comezar.
Pon os NeoPíxeles.
Apaga os NeoPíxeles.
Pon os NeoPíxeles.
Programa para micro:bit:
Ao comezar.
Pantalla.
Limpar pantalla.
Pantalla.
Estruturas condicionais
Por exemplo.
Inicio.
Está o botón "A" premido?
Apaga luces.
Acende luces.
Programa para Adafruit Circuit Playground Express:
Ao comezar.
Se botón "A".
Pon os NeoPíxeles.
Se non.
Apaga os NeoPíxeles.
Programa para micro:bit:
Ao comezar.
Se botón "A".
Pantalla.
Se non.
Limpar pantalla.
Bucles
Por exemplo.
Inicio.
Acende as luces.
Apaga as luces.
Programa para Adafruit Circuit Playground Express:
Ao comezar.
Repetir 2 veces.
Pon os NeoPíxeles.
Apaga os NeoPíxeles.
Programa para micro:bit:
Ao comezar.
Repetir 2 veces.
Pantalla.
Limpar pantalla.
Audio
Diagrama de fluxo dun xogo
Pensaches algunha vez que as estruturas básicas da programación están presentes nos xogos? Pois si. Cada vez que segues as instrucións dun xogo, en realidade estás executando un algoritmo. Fíxate no seguinte diagrama de fluxo, que representa as instrucións do xogo da oca.
Lectura facilitada
As estruturas básicas da programación tamén aparecen nos xogos.
Cando segues as instrucións dun xogo, estás a seguir un algoritmo.
Agora observa o diagrama de fluxo do xogo da oca.
Audio
Lembra as instrucións do xogo da oca
Paso 1 (secuencia): tirar o dado e ler o resultado
Tira un dado e le o resultado.
Paso 2 (secuencia): avanzar
A ficha da persoa xogadora avanza tantas casas como indique o dado.
Paso 3 (condición): comprobar
Que indica o taboleiro?
- Se estás nunha casa especial, fai o que indique (por exemplo: "de ponte a ponte e tiro porque me leva a corrente").
- Se estás na derradeira casa, a partida remata. Fin.
- Se estás nunha casa normal, remata a quenda.
Paso 4 (repetición): agardar e comezar de novo
Cambia a quenda e agarda a que che toque de novo. Cando iso ocorra, volve ao Paso 1.
Lectura facilitada
Paso 1 (secuencia): tirar o dado e ler o resultado
Tira un dado.
Despois le o resultado.
Paso 2 (secuencia): avanzar
A ficha avanza.
Avanza o número de casas que indica o dado.
Paso 3 (condición): comprobar
Mira en que casa estás.
- Se é unha casa especial, fai o que indica.
- Se é a derradeira casa, a partida remata.
- Se é unha casa normal, remata a quenda.
Paso 4 (repetición): agardar e comezar de novo
Cambia a quenda.
Agarda a túa seguinte quenda.
Despois volve ao paso 1.
Audio
Transcrición do diagrama de fluxo
- Inicio.
- Tira o dado. Sae un número entre 1 e 6.
- Avanza o número de casas indicado polo dado.
- Comproba se estás na casa final.
- Se estás na casa final, gañaches. Fin.
- Se non estás na casa final, comproba se estás nunha casa especial.
- Se estás nunha casa especial, fai o que indique a casa. Logo agarda a túa quenda e volve ao paso 2.
- Se non estás nunha casa especial, agarda a túa quenda e volve ao paso 2.
Audio
Máis sobre o xogo da oca
Preme para saber máis sobre o xogo da oca
Na Galipedia podes ler unha teoría que relaciona o xogo da oca, o Camiño de Santiago e os cabaleiros do Temple.
Lectura facilitada
Saber máis sobre o xogo da oca
Na Galipedia podes ler unha teoría.
Esa teoría relaciona o xogo da oca co Camiño de Santiago.
Esa teoría tamén o relaciona cos cabaleiros do Temple.
Audio
Crear o diagrama de fluxo do xogo da mariola
Duración: 15 minutos Agrupamento: Pequeno grupo
Agora ides dar un paso máis como equipo. Tedes que elaborar o diagrama de fluxo do xogo da mariola (coñecido en castelán como rayuela ou mariquita). Pensade na secuencia de pasos lóxica e ordenada que é necesario facer para executar o xogo. A continuación, representade cada paso de forma ordenada e clara, empregando os símbolos axeitados para indicar o inicio, os procesos, os bucles e as condicións.
Lectura facilitada
Duración: 15 minutos Agrupamento: Pequeno grupo
Agora traballaredes en equipo.
Tedes que facer o diagrama de fluxo do xogo da mariola.
Pensade nos pasos do xogo en orde.
Despois representade eses pasos con claridade.
Empregade símbolos de inicio, proceso, condición e repetición.
Audio
Licenciado baixo a Licenza Creative Commons Atribución Non-comercial Compartir igual 4.0