Compartindo coñecemento
Chegou o momento de compartir as vosas presentacións para, entre todas as persoas da aula, debuxar como era a vida de hai 50 anos.
Faredes unha rolda de exposicións grupais, prestando atención ás presentacións do resto de equipos mentres que non é a vosa quenda. Máis adiante, coa rúbrica que atoparedes no seguinte apartado, poderedes coavaliar os produtos do resto de persoas da aula.
Preparádevos para IMPRESSionar os e as vosos/as compañeiros/as!
IMPRESSións conxuntas
O guión
Cada equipo preparará o guión da súa exposición, é dicir, o que lle vai contar ao resto da clase.
Lembrade incluír:
- Unha breve introdución do tema escollido.
- A comparación entre como era hai 50 anos e como é na actualidade.
- As conclusións do grupo: identificar os cambios máis importantes, o que vos chamou máis a atención...
A exposición
Cada equipo proxectará a súa presentación e a irá explicando o resto da clase.
Establecede ben a quenda de intervención de cada membro do equipo, xa que todas as persoas integrantes deben participar.
Tede en conta:
- Non leades todo o texto, explicade coas vosas palabras.
- Empregade as diapositivas como apoio, non como guión completo.
- Falade cun volume adecuado e mirade o público durante a presentación.
A avaliación
Mentres que non estás facendo a túa presentación, debes valorar a do resto de equipos.
Para iso, emprega a rúbrica de coavaliación que atoparás máis abaixo.
A túa opinión é moi valiosa, así que fai valoracións obxectivas e construtivas.
Lectura facilitada
Agora debedes compartir as vosas presentacións.
Xuntos poderedes coñecer mellor como era a vida de hai 50 anos.
Para isto faredes unha rolda de exposicións grupais.
Cada grupo fará unha exposición do eido escollido.
Prestade atención ás presentacións do resto de equipos mentres que non é a vosa quenda.
Empregaredes a rúbrica que atoparedes no seguinte apartado para coavaliar as presentacións dos outros grupos.
Preparádevos para IMPRESSionar os e as vosos/as compañeiros/as!
IMPRESSións conxuntas
O guión
Lembrade incluír:
- Unha breve introdución do tema escollido.
- A comparación entre como era hai 50 anos e como é na actualidade.
- As conclusións do grupo: identificar os cambios máis importantes, o que vos chamou máis a atención...
A exposición
Cada equipo proxectará a súa presentación.
Tamén a irá explicando o resto da clase.
Establecede ben a quenda de intervención de cada membro do equipo.
Todas as persoas integrantes deben participar.
Tede en conta:
- Non leades todo o texto.
- Empregade as diapositivas como apoio.
- Falade cun volume adecuado e mirade o público durante a presentación.
A avaliación
Mentres que non estás facendo a túa presentación, debes valorar a do resto de equipos.
Para iso, emprega a rúbrica de coavaliación que atoparás máis abaixo.
Fai valoracións obxectivas e construtivas.
