Definición:
É a cantidade inicial da que se vai restar outra cantidade na operación de subtracción.
Exemplo:
Na imaxe o minuendo sería o número 8.
Definición:
É a cantidade que se resta doutra cantidade nunha operación de subtracción ou resta.
Exemplo:
Na imaxe o subtraendo sería o número 2.
Queres calcular a diferenza entre o mellor e o peor tempo dun participante nunha proba de atletismo? Ou coñecer o tempo que precisou un equipo de atletas nunha proba por relevos? As funcións matemáticas poden axudarche a conseguir o reto.
As funcións matemáticas permiten facer cálculos aritméticos sinxelos como sumas, restas, produtos ou divisións, e outros máis complexos como potencias, arredondar ou xerar números aleatorios.
A sintaxe das funcións matemáticas é: "=NOME_FUNCIÓN(Número1;Número2;...)" para operacións sinxelas como sumas, restas ou produtos.
Outras funcións máis específicas, teñen a mesma sintaxe pero os argumentos farán referencia á operación que queremos aplicar. Por exemplo, se desexamos facer un cociente, os argumentos serán o numerador e o denominador, ou se desexamos facer unha potencia, os argumentos serán a base e o expoñente.
Lembra que premendo no asistente de funcións (icona "fx") poderás consultar a listaxe de funcións matemáticas dispoñibles en Calc. Algunhas das funcións máis empregadas e que serán de utilidade para o reto son:
A continuación, podes consultar como aplicar algunhas funcións matemáticas a un conxunto de datos:
Exemplo da función SUMA a un rango de celas que conteñen unha serie de números.
Exemplo da función COCIENTE de dous números. No exemplo obtemos o resultado do cociente de dividir os 100 metros lisos nos que consiste a proba entre o tempo investido polo primeiro participante (F2). Este resultado sería o número de metros que percorrería nun segundo.
Exemplo de función SUMA a un conxunto de números non consecutivos. Neste caso introducimos os números que desexamos sumar en cada un dos argumentos da función. No exemplo, calculamos a suma dos números que ocupan as primeiras celas pares (F2+F4+F6+F8).
Exemplo da función POTENCIA cos seus argumentos, a base e o expoñente. No exemplo, a cela F2 será a base e elevámola ao cubo, sendo polo tanto 3 o expoñente.
Queres calcular a diferenza entre o mellor e o peor tempo dun participante nunha proba de atletismo?
Precisas coñecer o tempo que precisou un equipo de atletas nunha proba por relevos?
As funcións matemáticas poden axudarche a conseguir o reto.
As funcións matemáticas permiten facer cálculos aritméticos:
A sintaxe das funcións matemáticas é:
"=NOME_FUNCIÓN(Número1;Número2;...)"
para operacións sinxelas como sumas, restas ou produtos.
Outras funcións máis específicas, teñen a mesma sintaxe pero os argumentos farán referencia á operación que queremos aplicar.
Por exemplo:
Algunhas das funcións máis empregadas e que serán de utilidade para o reto son:
A continuación, podes consultar como aplicar algunhas funcións matemáticas a un conxunto de datos:
Exemplo da función SUMA a un rango de celas que conteñen unha serie de números.
Exemplo da función COCIENTE de dous números.
No exemplo obtemos o resultado do cociente de dividir os 100 metros lisos nos que consiste a proba entre o tempo investido polo primeiro participante (F2).
Este resultado sería o número de metros que percorrería nun segundo.
Exemplo de función SUMA a un conxunto de números non consecutivos.
Neste caso introducimos os números que desexamos sumar en cada un dos argumentos da función.
No exemplo, calculamos a suma dos números que ocupan as primeiras celas pares (F2+F4+F6+F8).
Exemplo da función POTENCIA cos seus argumentos, a base e o expoñente.
No exemplo, a cela F2 será a base e elevámola ao cubo, sendo polo tanto 3 o expoñente.
Neste adestramento tes que empregar a función matemática axeitada para arredondar os tempos que obtiveron os participantes no intento 3 a un só decimal. Os resultados de aplicar esta función deben visualizarse na columna I e na fila correspondente a cada un dos participantes.
Abre en LibreOffice Calc a folla de datos "Adestramentos.ods" que descargaches ao principio desta Fase 3 e gárdaa co nome "arredondar.ods".
A continuación, realiza as seguintes accións:
Neste adestramento tes que arredondar os tempos que obtiveron os participantes no intento 3 a un só decimal.
Empregarás a función ARREDONDAR de Calc.
Amosarás os resultados na columna I e na fila correspondente a cada un dos participantes.
Abre a folla de datos "Adestramentos.ods" que descargaches ao principio desta Fase 3.
Garda a folla co nome "arredondar.ods".
A continuación, realiza as seguintes accións:
Para completar este adestramento deberás calcular a diferenza entre o mellor e o peor tempo realizado na proba de 100 metros lisos para os participantes que naceron no ano 2012.
LibreOffice Calc non inclúe unha función resta para calcular a diferenza entre dous números, por iso é necesario recurrir a outros métodos: empregar a función SUMA ou escribir a operación resta na barra de fórmulas. Adestra neles!
Abre en LibreOffice Calc a folla de datos "Adestramentos.ods" que descargaches ao principio desta Fase 3 e gárdaa co nome "resta.ods".
A continuación, realiza as seguintes accións:
1. Sitúate na columna I e na primeira fila introduce o texto "Método 1". A continuación, localiza as filas dos participantes que naceron no ano 2012.
2. Preme nesta columna I na cela que corresponde ao primeiro dos participantes que naceron no ano 2012 (cela I2).
3. Insire a función SUMA (dende o menú "Inserir" ou co asistente de funcións, como prefiras), e introduce o primeiro dos argumentos, o "Número 1", picando na cela que contén o maior dos tempos invertidos por este participante na proba (cela H2). Este será o minuendo. A continuación, para introducir o segundo dos argumentos, o "Número 2", escribe primeiro o signo "-" e pica na cela que contén o menor dos tempos investidos por este participante na proba (cela F2). Este será o subtraendo.
4. O resultado debe aparecer na cela I2 e será a diferenza entre o maior e o menor tempo investido polo participante na proba.
5. Comproba que o resultado ten dous decimais. En caso contrario, debes darlle formato á cela para configurar a categoría "Número" con dous decimais. Tamén podes axudarte da icona que atoparás na barra de ferramentas "0.0".
6. Repite agora o proceso para os outros participantes que tamén naceron no ano 2012. Os resultados deben aparecer nas celas I9 e I10.
7. Garda o ficheiro co nome "resta.ods" no cartafol do teu proxecto.
Continúa a traballar coa folla de datos "resta.ods" que gardaches no adestramento anterior e realiza as seguintes accións:
1. Sitúate na columna J e na primeira fila introduce o texto "Método 2".
2. Preme nesta columna J, na cela que corresponde ao primeiro dos participantes que naceron no ano 2012 (cela J2).
3. Pica na barra de fórmulas e escribe o signo "=". A continuación, pica na cela que contén o maior dos tempos investidos por este participante na proba (cela H2). Este será o minuendo. Escribe o signo "-" e, a continuación, pica na cela que contén o menor dos tempos investidos por este participante na proba (cela F2). Este será o subtraendo.
4. O resultado debe aparecer na cela J2 e será a diferenza entre o maior e o menor tempo investido polo participante na proba.
5. Comproba que o resultado ten dous decimais. En caso contrario, debes darlle formato á cela para configurar a categoría "Número" con dous decimais. Tamén podes axudarte da icona que atoparás na barra de ferramentas "0.0".
6. Repite agora o proceso para os outros participantes que tamén naceron no ano 2012. Os resultados deben aparecer nas celas J9 e J10.
7. Garda o ficheiro co nome "resta.ods" no cartafol do teu proxecto.
Comproba que o resultado da diferenza aplicando o método 1 aparece na columna I, e o resultado da diferenza aplicando o método 2, na J. Logo garda novamente o ficheiro co nome "resta.ods" no cartafol do teu proxecto.
Neste adestramento vas traballar cos datos da proba de 100 metros lisos.
Vas centrarte só nos participantes que naceron no ano 2012.
Deberás calcular a diferenza entre o mellor e o peor tempo rexistrado.
LibreOffice Calc non ten a función resta.
Para restar en Calc tes que empregar outros métodos:
Adestra neles!
Abre en LibreOffice Calc a folla de datos "Adestramentos.ods" que descargaches ao principio desta Fase 3.
Gárdaa co nome "resta.ods".
A continuación, realiza as seguintes accións:
Continúa a traballar coa folla de datos "resta.ods" que gardaches no adestramento anterior.
Realiza as seguintes accións:
Comproba o seguinte:
Garda novamente o ficheiro co nome "resta.ods" no cartafol do teu proxecto.
Superaches sen suar os adestramentos básicos de funcións matemáticas? Entón aínda che quedan forzas para afondar un pouco máis no manexo destas funcións.
No apartado de "Exemplos", cando liches as explicacións teóricas sobre as funcións matemáticas, viches unha mostra da función "Suma". Agora vas empregar unha variante desta función que realizará a suma dun conxunto de valores pero que cumpran un determinado criterio ou condición.
Segue a traballar coa base de datos "Adestramentos.ods" e emprega a función matemática apropiada para sumar os tempos do intento 1 para aqueles participantes que son de sexo masculino e para os participantes que son de sexo feminino. Os resultados deben aparecer nas celas F24 e F25 respectivamente.
Que función precisas? Cales son os seus argumentos?
Cando remates este afondamento garda o ficheiro co nome "sumarse.ods" no cartafol do teu proxecto.
No apartado de "Exemplos" das funcións matemáticas viches unha mostra da función "Suma".
Agora vas empregar unha variante desta función.
Esta nova función debe facer a suma dun conxunto de valores.
Ese valores deben cumprir unha condición.
Segue a traballar coa base de datos "Adestramentos.ods".
Emprega a función matemática apropiada para sumar os tempos do intento 1 para:
Que función precisas?
Cales son os seus argumentos?
Cando remates este afondamento garda o ficheiro co nome "sumarse.ods" no cartafol do teu proxecto.
Licenciado baixo a Licenza Creative Commons Atribución Non-comercial Compartir igual 4.0