a. Obxectivos lingüísticos

• Ensinar ao alumnado vocabulario específico do Voleibol.
• Permitir ao alumnado empregar expresións relacionadas co Voleibol.
• Animar ao alumnado a empregar unha linguaxe formal e apropiada na clase de Educación Física.
• Desenvolver habilidades de escoitar, falar e escribir correctamente na Lingua Galega.
• Empregar o galego como lingua vehicular nas clases de Educación Física.

b. Obxectivos específicos de Educación Física

• Explicar ao alumnado as normas da clase de Educación Física relativas ao Voleibol.
• Axudar ao alumnado no cumprimento das normas das sesións do Voleibol.
• Explicar ao alumnado os procesos de aprendizaxe específicos do Voleibol.
• Comprobar a comprensión por parte do alumnado dos procesos de aprendizaxe específicos do Voleibol.
• Crear un clima positivo de aula de cara ao Voleibol.
• Integrar ao alumnado con distintas capacidades, facendo grupos flexibles na clase para xogar ao Voleibol.
• Fomentar a autonomía do alumnado organizando torneos de Voleibol.
• Valorar a participación e motivación positiva nas sesións e partidos de Voleibol máis que o resultado final.

c. Outros obxectivos

• Ensinar ao alumnado o uso de Audacity.
• Ensinar ao alumnado a gravar e editar vídeos e fotografías.
• Empregar Canva para a realización de pósters e presentacións.
• Usar o Dicionario da RAG para comprobar o galego escrito.
• Buscar imaxes con licenza CC BY-NC-SA en internet.