0. Introducción

Prototipo de axencia cooperativa escolar de publicidade.
Deseño integral da imaxe corporativa.

A aprendizaxe PubliCreActivos integra catro unidades didácticas e as suas tarefas para abordar contidos dos bloques 1, 3 e 4 do currículo LOMCE, vixente durante o desenvolvemento do recurso aplicaplástica, da materia de educación plástica e audiovisual de 4º da ESO.

Trátase de elaborar un prototipo de axencia de publicidade escolar como unha experiencia de emprendemento aplicada ao noso ámbito que traballará nas labores de maquetación dunha revista ou unha webzine e na aprendizaxe baseada no reto TurisMobilízate.

Emprendemento é a actitude e a aptitude que toma unha ou varias persoas para iniciar un novo proxecto a través de ideas e oportunidades. É un termo común no ámbito empresarial e no ámbito da innovación educativa. 

O emprendemento ten a súa orixe no inicio da humanidade, xa que o ser humano caracterízase por asumir riscos co obxectivo de xerar oportunidades de crecemento que poden brindar unha mellor calidade de vida para el, para a súa contorna e incluso para un proxecto de vida en común. A palabra emprendemento é de orixe francesa “ entrepreneur” que significa “pioneiro”.