Utilizamos un círculo cromático de doce cores como referencia para colorear con criterio. Distinguimos dentro do círculo tres cores primarias: azul cian, maxenta e amarelo. No círculo de doce cores situánse a tres espazos de cor as cores secundarias, froito de mesturar as primarias entre si cunha porcentaxe igual de cor. Por exemplo coa mesma cantidade de cor amarela e de cor azul obtemos a cor secundaria verde. As tres cores secundarias son verde, laranxa e violeta.
As cores primarias en impresión gráfica ou mestura sustractiva son: o ciano (azul cian) o maxenta e o amarelo. Mesturadas entre se e con branco ou con negro obtemos todas as cores. As siglas CMYK corresponden as cores primarias máis o negro.
Ao dividir o circulo cromático en duas partes cunha diagonal que pase polas cores amarelo verdoso e púrpura diferenciamos as cores frias das cores cálidas.
As cores frias teñen a propiedade de alonxarse visualmente no espazo e de comprimirse visualmente. As cores cálidas, polo contrario esténdense e achéganse.
Cando trazamos unha diagonal polo círculo cromático as duas cores do seus extremos son cores complementarias. Unha cor complementaria non ten ninghuna proporción de cor da complementaria correspondente. A cor amarela non ten ninghuna componente de cor da violeta (azul + maxenta = violeta). Unha das propiedades das cores complementarias é que situadas unha ao lado da outra ambas adquiren maior brillo e luminosidade. As cores complementarias teñen a propiedade de aumentar o seu brillo e luminosidade cando as situamos como fondo e figura. Esta propiedade foi utilizada polos pintores impresionistas e os deseñadores gráficos aplican e utilizan as cores complementarias para resaltar formas ou textos sobre fondos de cor.
Imaxen de figura e fondo con tríada de cores.
As tríadas de cores son combinacións armónicas de tres cores situadas á mesma distancia no círculo cromático. No círculo de doce cores hai tres espazos entre si. Unha tríada de cores é un conxunto de cores que están espaciados uniformemente ao redor da roda de cores. Teñen unha boa variedade de cores, ben equilibradas.
