UNIDADE 4
DEPORTES DE
ADVERSARIO
Os deportes de adversario poden ser definidos como aqueles nos que non existe relación directa con compañeiros, pero si existe relación de oposición con contrarios, é dicir, hai algún rival competindo simultáneamente que tenta conseguir o resultado contrario durante as accións de xogo.
Este tipo de deportes, entón, caracterízanse por levarse a cabo sen compañeiros que axuden pero si con rivais que tentan impedir o desenvolvemento das accións.
Atendendo polo tanto a estes dous factores, podemos entender que este tipo de deportes teñen a dificultade permanente de ter que controlar as accións do contrario ao tempo que tentamos realizar as nosas ao mellor nivel para superalo. Esto é o que fai deles unha excelente ferramenta educativa pois permite mellorar a nosa capacidade de esforzo, concentración, e superación de adversidades. Tamén incide na capacidade de adaptación e mellora da tolerancia, a frustración e a asimilación das regras.
Dentro deste grupo de deportes podemos incluír moitas modalidades diferentes, pero cunha serie de características básicas en común. Ao longo do tema iremos vendo como clasificalas e cales son as diferencias entre elas, tendo presente tamen que, por ser deportes de adversario, todos eles terán unha serie de aspectos comúns.
OBXECTIVOS DA UNIDADE
Ao final do tema serás quen de:
Acertaches todo? Xenial... pero se non foi así, non te preocupes, isto só era unha avaliación inicial, para coñecer cales son os teus coñecementos previos sobre o tema.
Unha vez que comecemos a unidade, verás que existen unha chea de deportes de adversario, que son totalmente diferentes entre si, pero cunhas características comúns, que fan que poidan ser englobados neste mesmo grupo.
Son os denominados deportes de adversario, nos que o elemento máis importante a sinalar é o gran nivel de respecto, tolerancia e autocontrol que se acadan mediante a súa práctica.
Aprenderemos algunhas cousas deles, practicarémolos e teremos a oportunidade de sentir a nosa evolución persoal neses conceptos sinalados, o noutros moitos, a medida que avanzamos no tema.
Así que xa sabes, prepárate que arrancamos.