División do imperio romano de Teodosio I

2.- A caída do Imperio romano.

A decadencia que empezou a ter o Imperio romano a partir do século III fixo que pobos xermánicos procedentes do centro e o norte de Europa, aos que os romanos lles chamaron bárbaros (bárbaro en latín era estranxeiro) entrasen neste imperio, unhas veces establecendo pactos cos romanos e outras pelexando con eles.

Para a protección do Imperio, o emperador Teodosio I dividiuno en dúas partes, o Imperio romano de Occidente e o de Oriente, con isto conseguiu resistir case un século máis ás invasións xermánicas pero, no ano 476 d. C. os xermanos tomaron Roma e destronaron a Rómulo Augústulo sendo a fin do Imperio romano de Occidente.