Clases de verbos.
A
Existen dúas clases de verbos, os regulares e os irregulares:
➀ Regulares: a maioría dos verbos manteñen a raíz do infinitivo en todas as formas da súa conxugación. Ademais toman as mesmas desinencias que o verbo que serve como modelo. Por exemplo: salt-o o mesmo que and-o, salt-ei como and-ei ou salt-arei o mesmo que and-arei. A estes verbos chamámoslle regulares.
Pode darse o caso que a raíz se pronuncie o mesmo en todas as formas pero que ortograficamente sexa distinto. Por exemplo, no verbo buscar, que na súa raíz ten un “c”, que en busquei convértese en “qu”; pasa o mesmo con verbos cun “g” na súa raíz, como xogar e a súa forma xogues, ou cos que levan un “z”, como cazar e a súa forma cacei. Estes verbos seguen considerándose regulares.
➁ Irregulares: son os que non manteñen a mesma raíz en todas as súas formas, por exemplo hei, do verbo haber. Considéranse tamén irregulares aqueles que non teñen as mesmas desinencias en todas as súas formas que o verbo que sirve de modelo da súa conxugación. Por exemplo estou, no modelo a forma é ando.
Para saber se un verbo é irregular so debemos de conxugar e comparar os seguintes tempos do indicativo: presente, pretérito perfecto, futuro. Se aquí non atopamos formas irregulares entón o verbo é regular.