Aos estímulos o noso sistema nervioso crea unha resposta que executan uns determinados órganos chamados órganos efectores. Estas respostas poden ser:

 ➀ Movementos, neste caso son os músculos e ósos do aparello locomotor os encargados de executalo. Retirar a man cando sentimos unha queimadura, mover as pernas para dar unha patada a un balón...

 ➁ A produción de distintas substancias por determinadas glándulas do noso corpo. Ao ver ou ulir un alimento que consideramos apetitoso na nosa boca empeza a aumentar a saliva que segregan unhas glándulas chamadas salivares, se sentimos calor a nosa pel empeza a ter suor que sae por uns poros da nosa pel debaixo dos cales están outra glándulas chamadas sudoríparas.