Ramón Cabanillas Enríquez. Estatua fronte á casa do concello de Cambados.Naceu en Cambados no ano 1876. Abandonou a carreira eclesiástica en Santiago e traballou como funcionario do Concello de Cambados. Con trinta e catro anos emigrou a Cuba. Alí, na Habana publicou No desterro e Vento mareiro.
De volta á Galicia, coñeceu a loita agrarista da que xa Basilio Álvarez lle falara en Cuba. Colaborou asiduamente en A Nosa Terra. Foi aclamado como Poeta da Raza e utilizou os seus poemas para a defensa de Galicia.
En 1920 foi elixido membro da Real Academia Galega, onde leu un discurso titulado "A saudade nos poetas galegos". En 1929 faría o propio na Real Academia Española cun ensaio sobre Eduardo Pondal. Despois de trasladarse a Madrid e dun longo tempo sen escribir, a partir do ano 1940, volve a publicar varios libros como Camiños no tempo, Versos de alleas terras e tempos idos e Samos, o seu último libro publicado en vida. Faleceu en Cambados en 1959.
