O substantivo. Xénero e número.En galego os substantivos presentan dous xéneros, masculino e feminino. Lembra que:
➀ O nome das letras sempre é masculino.
➁ As palabras que rematan en -axe son femininas, agás traxe, garaxe e paxe. A palabra personaxe pódese empregar nos dous xéneros (o personaxe, a personaxe).
➂ A maioría das árbores froiteiras son femininas, a cerdeira, a laranxeira... o seu xénero é o mesmo có da froita que dá, agás a figueira (que dá figos) e o castiñeiro (que da castañas).
➃ Son femininas as seguintes palabras que en castelán son masculinas: árbore, arte, calor, cor, dor, orde, orixe, pantasma, ponte, reuma, suor. ➄ Son masculinas as seguintes palabras que en castelán son femininas: berce, cal, cárcere, costume, couce, cume, cuspe, dote, fel, labor, legume, leite, lume, mel nariz, sorriso, sal, sinal, xiz.
O substantivo tamén ten número: singular e plural.