➀ Os meridianos rodean a Terra de norte a sur e pasan polos dous polos. Como referencia tómase o meridiano de Greenwich tamén chamado meridiano 0º.

➁ Os paralelos: son circuferencias paralelas que rodean a Terra de leste a oeste. O paralelo de referencia é o ecuador.

Coa axuda destes dous tipos de liñas podemos localizar un determinado punto con total exactitude mediante as coordenadas xeográficas que son a latitude e a lonxitude.

➀ Latitude: é a distancia (mídese en graos) que hai dende o ecuador ao punto, se o punto está ao norte do ecuador dicimos “latitude norte” mentres que se está ao sur dicimos “latitude sur”.

➁ Lonxitude: é a distancia (tamén en graos) que hai dende o meridiano de Greenwich ao punto, se o punto está ao leste deste meridiano dicimos “lonxitude leste” e no caso contrario “lonxitude oeste”.

Cando queremos representar unha superficie terrestre menor que toda a Terra, un continente, un país, unha rexión ou un simple pobo, empregamos os mapas.