OS ANIMAIS
OS PEIXES E AS AVES
Hoxe coñeceremos algunha cousa máis sobre os peixes e as aves.
Hai 5 grupos de vertebrados: os mamíferos, as aves, os peixes, os réptiles e os anfibios.
Todos os peixes e todas as aves teñen un esqueleto interno, por iso son animais vertebrados.
Os PEIXES son animais ovíparos, é dicir, nacen de ovos.
Teñen o corpo cuberto de escamas, teñen aletas para nadar e unha cola para poder xirar.
Poden vivir en auga doce ou salgada: a troita vive nos ríos
pero o mero vive en mares e océanos.
Para poder respirar baixo a auga os peixes usan as branquias.
Seguro que sabes moitos nomes de peixes como o peixe pallaso, o tiburón, a dourada, a manta raia, o salmón, o peixe serra, o peixe león, a piraña, o peixe cirurxián, o peixe pallaso azul ou o tiburón balea, pero recorda que hai moitos peixes máis nos mares e nos ríos.
As AVES tamén son animais ovíparos, é dicir, nacen de ovos. Ao nacer son coidados e alimentados pola nai e polo pai.
Teñen 2 ás, 2 patas e o corpo cuberto de plumas.
As aves teñen peteiro, hai peteiros de todos os tamaños, formas e cores. As aves respiran por pulmóns.
Seguro que xa coñeces moitas aves diferentes, como a andoriña, o paporrubio, o merlo, o pardal, o loro, a cegoña, a galiña, o maritño peixeiro, o ouriolo, a gaivota, o pingüín, a aguia, o moucho ou a avestruz, que é unha ave que non pode voar, pero hai un montón delas máis.
LORENA NEGREIRA
E
FRANCISCO LINO