A escala

A escala do mapa indica a relación de redución entre a realidade do terreo e a súa representación plana e xeralmente vén indicada na marxe do mapa, na zona inferior central.En todo mapa podemos observar dous tipos de escalas:

a) Escala numérica: vén determinada por un crebado, de tal forma, que o numerador representa a medida do plano e o denominador representa a medida do terreo. Así  se nun mapa aparece a escala 1:25.000, 1cm. do plano, representa 25.000 cm. do terreo( 250 m); tamén nun mapa con escala 1:50.000, 1 cm. do plano representa 50.000 cm. do terreo ou 500 m; e de igual xeito unha escala de 1:100.000 indica que a cada centímetro no plano correspóndenlle 100.000 centímetros na realidade, ( 1 quilómetro).

Por exemplo, nun plano con esta escala 1:100000 medimos a distancia entre dous pobos A e B, sendo esta de 3,5 centímetros; aplicando unha regra de tres podemos saber que a distancia real entre A e B é de 3,5 quilómetros. Canto menor sexa o denominador, maior detalle terá o mapa

Por tanto, a escala nun mapa= distancia medida no mapa / distancia real do terreo

1:25.000 = 1 cm no mapa / 25.000 cm no terreo = 1 cm no mapa / 250 m no terreo
1:50.000 = 1 cm no mapa / 50.000 cm no terreo = 1 cm no mapa / 500 m no terreo

b) A escala gráfica: é o debuxo da escala numérica que tamén vén indicado na marxe inferior do mapa. Represéntase sobre unha liña horizontal, dividida nun número determinado de partes iguais, que simbolizan gráficamente, segundo a escala empregada, a distancia existente entre dous puntos. Vainos a permitir facer conversións de forma directa, trasladando a medida do mapa a esta liña para saber a magnitude real.