A ONU foi pioneira na conmemoración do 25 de novembro como unha data de denuncia contra a violencia que sofren as mulleres.
FALSO. O I Encuentro Feminista Latinoamericano y del Caribe foi o primeiro en declarar o 25 de novembro como o Día Internacional da Non Violencia contra as Mulleres.
A ONU non recoñece violencia contra a muller cando os danos son só psicolóxicos.
FALSO. A ONU define a violencia contra a muller como “todo acto de violencia de xénero que resulte, ou poida ter como resultado, un dano físico, sexual ou psicolóxico para a muller, inclusive as das ameazas de tales actos, a coacción ou a privación arbitraria da liberdade, tanto se se produce na vida pública como na privada”.
Segundo a ONU, ameazar unha muller é un acto de violencia.
VERDADEIRO
O 25 de novembro conmemora a loita de Rafael Trujillo.
FALSO. O 25 de novembro conmemora a loita das irmás Mirabal a favor da dignidade e da liberdade do seu pobo e mais a súa loita contra o ditador dominicano Rafael Trujillo.