“A paz mundial non pode salvagardarse sen uns esforzos creadores equiparables aos perigos que a ameazan”.
Así comezaba a Declaración de Schuman, pronunciada en París o 9 de maio de 1950. Robert Schumann, ministro francés de Asuntos Exteriores, pronunciou este histórico discurso en París, 5 anos despois do final da II Guerra Mundial. Nel propuxo a creación dunha Comunidade Europea do Carbón e do Aceiro (CECA) como vía de cooperación económica que evitase futuros conflitos bélicos entre as nacións europeas.
Nesta liña de cooperación económica creouse 8 anos máis tarde, no 1958, a Comunidade Económica Europa (CEE), integrada por 6 países: Alemaña, Bélxica, Francia, Italia, Luxemburgo e os Países Baixos. No ano 1993, a CEE pasou a ser a Unión Europea e aos aspectos económicos vertebradores que había nun inicio engadíronse tamén os políticos. Na actualidade, a UE está formada por 28 países, se ben o Reino Unido se atopa en trámites de abandonar a Casa Común Europea.
Os valores que deben observar os Estados membros aséntanse na inclusión, a tolerancia, a xustiza, a solidariedade e a non discriminación. Á cidadanía europea correspóndelle esixir que estes valores se respecten e fomenten.
|