Para interpretar un climograma debes de fixarte nestes dous tipos de datos:
➀Na temperatura: Cal é a diferenza, en grados, entre o mes máis frío e o máis caloroso. A esta diferenza chamámoslle amplitude térmica. Cando esta diferenza é maior dos 18º dise que hai unha amplitude moi alta e se non supera os 8º C dicimos que ten unha amplitude térmica moi baixa.
Así mesmo podemos tamén ver as temperaturas máximas e mínimas por estacións e meses. Considéranse veráns frescos se ningunha das temperaturas dos meses de verán son superiores aos 22º C, pola contra, se algunha das temperaturas nestes meses supera os 22 falamos de verán caloroso. Cando a temperatura dos meses de inverno non baixa dos 10 º C estamos nun inverno suave, entre os 10 e os 6º C falamos de temperaturas moderadas e, por debaixo dos 6º xa estaríamos ante un inverno frío.
➁Nas precipitacións: Debemos sumar as precipitacións medias de cada mes, se obtemos máis de 1000 mm estamos nun sitio con choivas moi abundantes, entre 1000 e 800 mm serían abundantes, entre 800 e 300 mm son escasas, e, por debaixo dos 300 mm moi escasas.