MANUAL DE USUSARIO |
Inicio |
INTRODUCIÓN
O presente manual está pensado para o usuario final da aplicación web do proxecto: Mens Sana in Corpore Sano.
Todo o proxecto que tes entre as mans foi deseñado para poder ser utilizado tanto dende un 'servidor' (na internet ou na intranet do teu centro) como dende 'local', directamente con un pendrive, cd-rom,..., conectado ao teu computador, agás algúns contidos determinados que se irán sinalando a medida que aparezan.
O proxecto está dividido en tres unidades didácticas interdisciplinares (UDIs) ás que podes acceder dende a páxina inicial (imaxe 1) da aplicación. Estas unidades son:
- UDI 1: ACTIVIDADE FÍSICA E SAÚDE. Somos o que corremos.
- UDI 2: EDUCACIÓN POSTURAL. Somos equilibrio de forzas.
- UDI 3: ALIMENTACIÓN E SAÚDE. Somos o que comemos.
IMAXE 1
PÁXINA DE INICIO
Ao entrar na aplicación encontraraste directamente na pantalla de inicio. Para poder entrar en cada unha delas só hai que premer enriba dos seus títulos, tal e como podedes ver na imaxe 2.
IMAXE 2
Asemade, nesta primeira pantalla atopamos dúas zonas máis que nos aportan información sobre o proxecto:
- INFORMACIÓNS VARIAS: Facendo clic nestes apartados poderás consultar:
- Accesibilidade: Os aspectos sobre accesibilidade web que se tiveron en conta á hora de realizar este proxecto. Ademais atoparás un resumo das 'teclas rápidas' que configuramos para poder moverte con maior facilidade pola web.
- Aclaracións Lingüísticas: Quixemos introducir un apartado sobre aclaracións de tipo lingüístico para que todo aquel que use esta ferramenta teña coñecemento dos criterios que se seguiron á hora de utilizar unha terminoloxía ou outra.
- Créditos: Breve información sobre os autores do proxeto.
- Contacto: Deseñamos un formulario de contacto para que podas achegarnos calquera cousa que teña que ver coa aplicación web que estás a usar: detección de erros, aclaracións, comentarios,... (para este apartado é imprescindible unha conexión a internet).
- Axuda: Dende aquí poderás acceder a este pequeno manual de usuario.
- LICENZA E SOFTWARE UTILIZADO: Facendo clic nestes apartados poderás consultar:
- Licenza do proxecto: Como todos os proxectos deste tipo creados para a Consellería de Educación, a utilización do mesmo está regulada baixo unha Licenza Creative Commons 2.0 (CC BY) pola cal podes utilizar, compartir, adaptar,..., o material que tés diante sempre e cando recoñezas a autoría do mesmo e as obras derivadas deste material sexa compartida baixo a mesma lixenza (CC BY). Para máis info podes premer nos links que aparecen neste apartado.
- Software utilizado: Baseamos gran parte deste traballo no software de autor ARDORA (J.M. Bouzán), para confeccionar actividades interactivas, pantallas de menú,...; a excepción das páxinas de contidos.
PANTALLA PRINCIPAL
As tres unidades didácticas que compoñen o presente proxecto teñen unha organización similar na web. Podemos dividir a pantalla principal das UDIs tal e como podemos apreciar na seguinte imaxe:
IMAXE 3
- CABECEIRA (na parte superior da pantalla): aquí atopamos varios apartados:
- Menú Accesible: Está situado na parte da esquerda sobre un fondo morado. Nel temos varios botóns cos que podemos controlar o zoom de visión da web, así como ter unha axuda auditiva do que estás vendo en cada momento.
- Zona Informativa: Consultando a zona central da cabeceira poderás saber, en todo momento, en que lugar te atopa: unidade didáctica e apartado da mesma. Non se trata de unha zona interactiva, só informa.
- Menú Principal: Xusto debaixo do menú accesible e da zona informativa, atopamos o menú principal a través do cal vas a poder moverte polos diferentes apartados de cada unidade didáctica. Fíxate que este menú non é igual en todas as UDIs, xa que nel están recollidos os diferentes bloques nos que se divide cada UDI. Como poderás apreciar, o bloque no que te atopes en cada momento está resaltado.
- Menú de Navegación: Na parte inferior dereita da cabaceira hai uns botón en forma de iconas que podes utilizar para moverte a través da web, dun xeito máis intuitivo e sempre que sigas a orde na que os autores introduciron os contidos e actividades.
IMAXE 4
IMAXE 5
IMAXE 6
IMAXE 7
- MENÚ LATERAL (na parte esquerda da pantalla): aquí tamén nos encontramos con varios apartados:
- Guía de Contidos: Dentro de cada bloque (seleccionado no Menú Principal da Cabeceira) imos poder consultar os diferentes apartados que o compoñen premendo directamente nesta guía de contidos.
- Actividades: Neste proxecto deseñáronse unha serie de actividades para cada un dos bloques das UDIs, coas que poderás practicar ou comprobar que foi o que fuches quen de aprender dos contidos expostos anteriormente. As actividades están feitas con ARDORA, e podes acceder a elas premendo nos números que aparecen neste apartado.
- Saber Máis: En todas as unidades didácticas encontraredes un apartado no que recollemos unha escolma de enlaces para poder ampliar información sobre cada tema.
- Accesibilidade: (imaxe 10) Premendo neste apartado aparecerá, en forma de ventá emerxente polo que terás que darlle permiso ao teu navegador para que a amos, un resumo das teclas rápidas programadas para que sexa máis doado viaxar a través da web.
- Glosario: Facendo click neste apartado accederás, tamén en forma de ventá emerxente, a un buscador de términos que deseñamos para que poidas consultar aquelas palabras que non comprendas dun xeitos fácil e rápido.
IMAXE 8
IMAXE 9
IMAXE 10
- PÉ DE PÁXINA (na parte inferior da pantalla): aquí atopamos a mesma información que había na páxina de inicio:
- Información sobre a licenza de uso.
- Información sobre o software utilizado para confeccionar este traballo.
- ZONA PRINCIPAL (na parte central da pantalla): nesta zona é onde irán aparecendo tanto os contidos como as actividades que sinalamos no menú lateral.