ACCESIBILIDADE WEB

Inicio

Os autores do proxecto Mens Sana in Corpore Sano apostan pola accesibilidade dos contidos dixitais, de aí que o presente proxecto se desenvolvera do xeito máis accesíbel posíbel. Dividimos as actuacións en prol de acadar un acceso máis universal ao noso proxecto en varios apartados:

PROBLEMAS DE CONEXIÓN

• Todas as imaxes utilizadas nos contidos deste proxecto posuen un peso reducido e están sinaladas con contido alternativo por se a conexión do usuario é moi lenta.
• Case non existen enlaces externos a outras webs, polo que o contido deste proxecto pode ser completo perfectamente dende unha configuración local sen necesidade dunha conexión a internet.

DIFICULTADE DE VISIÓN

Para a xente que presenta algún tipo de dificultade de visión, permanente ou temporal, contémplanse varios dispositivos para facilitarlle o acceso aos contidos.

• Axuda visual: na parte superior esquerda hai unha serie de botóns cos que se pode adaptar o zoom de visualizado, non só do texto, senón tamén das imaxes, xa que moitas das actividades precisan dunha visualización clara das imaxes para poder ser completadas.
• Axuda auditiva: na parte superior esquerda tamén hai un botón cunha icona representando un altofalante que reproduce un arquivo de son (nunha xanela emerxente) indicando o apartado dos contidos ou o enunciado da actividade actual.
• Lectores de Pantalla: os apartados de contidos que aparecen no proxecto poden ser reproducidos sen problemas cos lectores de pantalla que utilizan os individuos con problemas de visión severa.
• Contrastes: todo o material se amosa cun nivel de contraste grande para facilitar a percepción dos contidos ás persoas con dificultade de visión.

DIFICULTADE AUDITIVA

Para evitar problemas de acceso aos contidos e actividades dos proxecto por parte de persoas que presenten unha dificultade temporal ou permanente a nivel auditivo, ou que se atopen en lugares onde non poden usar o son (bibliotecas,...); todo o proxecto foi creado de forma que todas os aspectos importantes para o seu desenvolvemento se atopen en formato texto.

PROBLEMAS DE DISLEXIA

• Para facilitar a lectura ás persoas que presentan problemas de dislexia, en todos os contidos se utilizou unha fonte de letra feita especialmente con esta finalidade. A tipoloxía de letras chámase: “Lexie Readable” e ten unha licenza de uso libre para proxectos coma o noso, sen ánimo de lucro e con finalidade educativa.
• Asemade, non atoparedes ningún texto con alineación “xustificada” xa que, este tipo de textos poden dificultar a lectura á xente con esta problemática.

PROBLEMAS DE DALTONISMO

Asemade, seguindo esta, a capacidade para diferenciar cores non é necesaria para poder seguir con normalidade os contidos e actividades presentadas neste proxecto.

PROBLEMAS DE MOTRICIDADE

Para os casos de persoas con problemas de motricidade pensamos en varias estratexias para acceder aos contidos dun xeito máis doado.

• Tab+Enter: podemos acceder a todos os apartados importantes da web utilizando a tecla TAB e ENTER dun teclado convencional.
• Acceso directo: permiten navegar pola páxina web mediante o teclado. As teclas que se poden untilizar son:
• Menú Accesibilidade:
  • T – Incrementar zoom
  • F – Reducir zoom
  • G – Orixinal
  • H – Axuda
• Menu Navegación:
  • J – Actividade/Contido Anterior
  • L – Actividade/Contido Posterior
  • K – Actividade Nº1
  • M – Contido Nº1
  • I – Ocultar/Amosar menú lateral
• Scroll (pensado para utilizar cando o contido da páxina foi ampliado):
  • A – Scroll Esquerda
  • D – Scroll Dereita
  • W – Scroll Arriba
  • S – Scroll Abaixo
• Números (1-4) para moverse polos distintas unidades e os apartados de cada unidade:
• Outras teclas de interese:
  • 0 - Pantalla Inicio
  • ESC – Acceso ao resumo das teclas rápidas
  • CTRL – Acceso ao glosario
  • X – Pechar ventás emerxentes

Inicio