7.- A dieta equilibrada.
A dieta son os alimentos que habitualmente comemos. Esta dieta, para ser sa debe de ser equilibrada, é dicir debe de ter os nutrientes en cantidade suficiente segundo a actividade que se realice, a idade, incluso o clima no que se viva.
Como consellos:
1.- É recomendable facer cinco comidas ao día, así teremos os nutrientes e enerxía que precisamos.
2.- O almorzo debe de ser a comida máis importante, daranos enerxía para toda a mañá.
3.- Come froitas e verduras todos os días, conteñen moitas substancias necesarias para o bo funcionamento do noso corpo, como a fibra, que non é un nutriente pero que axuda no tránsito dos alimentos por todo o aparello dixestivo.
4.- Reduce o consumo de carne e evita o exceso de graxas de orixe animal.
5.- Evita os alimentos con exceso de azucre como os refrescos ou os pasteis industriais.