Augmented reality

Secuencia de aprendizaxe 3: Proxecto publicitario

Inicio
Lectura da imaxe fixa
Creando o cartel e trackers para AR
Os vídeos
Facendo a campaña publicitaria con Aurasma

Cartel Violencia de Xénero — Descarga o cartel publicitario

Campaña publicitaria

O artigo 1 da "Declaración sobre a Eliminación da Violencia contra a Muller" das Nacións Unidas (1979), considera que a violencia contra as mulleres é:

"Todo acto de violencia baseado na pertenza ao sexo feminino que teña ou poida ter como resultado un dano ou sufrimento físico, sexual ou psicolóxico para as mulleres, inclusive as ameazas de tales actos, a coacción ou a privación arbitraria de liberdade, tanto se se produce na vida pública ou privada".

O cartel

A proposta didáctica para a nosa campaña publicitaria para loitar contra a violencia de xénero parte da coñecida imaxe “O iceberg da violencia de xénero" de Amnistía Internacional , onde aparece reflectida a violencia visible e a invisible.

Vós ides realizar un mural que reflicta cada un deses tipos de violencia visible ou invisible. Dito mural, a modo de infografia, será pegado na entrada do voso instituto.

Realizaremos unha ilustración que represente cada un dos temas. O conxunto de ilustracións formará o mural. Cada imaxe dentro de ese mural terá asociada unha animación que será despregada posteriormente mediante realidade aumentada.

Graos na violencia de xénero

Imos colocar as imaxes en columna, de tal maneira que a base da columna estea representada por accións invisibles, que normalmente pasan desapercibidas, e mesmo son ou foron socialmente aceptables. Estamos a referirnos a:

A primeira imaxe fai referencia á anulación da muller, co slogan: "Non tes palabra, os teus beizos son meus. O meu dominio."

A segunda imaxe fai referencia á linguaxe sexista, a publicidade sexista e ao humor sexista.

A terceira imaxe fai referencia ao control sobre as mulleres co slogan: "Non poderás fuxir do meu control. Son o teu dono."

A cuarta imaxe fai referencia á creación do sentido da culpabilidade e ao chantaxe emocional co slogan: "Non me abandones, nada tes máis alá das miñas mans."

A quinta imaxe fai referencia as accións machistas de humillar, desprezar, desvalorizar e ignorar.

A continuación, na parte máis alta da columna estarán colocadas as accións de clara e visible violencia:

A sexta imaxe fai referencia ás accións de ameazar, gritar e insultar co slogan: "En ti o temor semento, en ti desexo alimentarme. Carne serás sempre estarás disposta entre os meus dentes."

A sétima imaxe fai referencia ao abuso sexual e á violación co slogan: "Consumireite coa fame dos lobos prendida en min. Co sorrir falso, sempre depredador dun animal."

A oitava imaxe fai referencia á agresión física co slogan: "E se te negas, aprenderás servil que o amor chora, cando esa voz que dicía: cariño, golpeei en ti".

A novena imaxe fai referencia ao asasinato co slogan: "Coa vil face da morte martelando no ser sen vida, no corpo espido, na mirada perdida, na alma extinguida."

Finalmente, colocaremos un breve texto explicativo que indique ao usuario como desenvolver a realidade aumentada cando asista á exposición. Para facilitar a tarefa déixase un código QR que leva ao usuario directamente á canle. O espectador só ten que escanear o código QR co seu móbil e, a continuación, explorar co seu dispositivo o cartel anunciador. A realidade aumentada saltará ao detectar o procesador os trackers incluídos (que son as imaxes fixas ou ilustracións).