Día Escolar da Non Violencia e da Paz

O día Escolar da Non Violencia e da Paz celébrase desde o ano 1964. Xorde dunha iniciativa pioneira, non gobernamental, independente, e voluntaria de Educación Non-violenta e Pacificadora do profesor e poeta Llorenç Vidal. Desde 1964 celebramos o 30 de xaneiro o Día Escolar da Non Violencia e a Paz.
No1993 a Organización das Nacións Unidas (ONU) recoñece o 30 de xaneiro como o Día Internacional da Paz e Non Violencia. Esta data foi escollida para conmemorar a morte de Gandhi no 1948.
Nesta data lémbrase a necesidade da educación para a tolerancia, a solidariedade, o respecto aos Dereitos Humanos, a non violencia e a paz.
O lema deste día é: "amor universal, non-violencia e paz".
Nas escolas pretendemos inculcar unha cultura de paz e entendemento entre persoas de distinta formación, raza, cultura e relixión.
Este día non se celbrou nas escolas galegas ata o 1982.

Símbolos da Paz

O símbolo máis estendido da paz consiste nun círculo con catro liñas no seu interior.
A súa orixe débese ao deseñador e objetor de conciencia británico Gerald Holtom, que o creou en 1958 para a Campaña polo Desarmamento Nuclear (CND) Para iso baseouse nas letras N D (Nuclear Disarmament) segundo o alfabeto mariño de bandeiras.
Este símbolo tivo a súa etapa máis representativa na década dos 60 coa cultura hippy e o movemento de oposición da guerra de Vietnam e cos punks dos 70. Posteriormente o seu significado estendeuse ao sentido máis xeral de ?paz? co que se interpreta hoxe, e o símbolo foise ligando ao da pomba branca. As liñas poden representar a pata da pomba e, o circulo, a Terra; desta forma simbolízase a paz mundial.

Símbolos da Paz

O asasinato por parte de ETA, o 14 de febreiro de 1996, do ex presidente do Tribunal Constitucional Francisco Tomás e Valente provocou unha gran manifestación de repulsa dos estudantes que simbolizaron coas súas mans brancas.Foi a primeira vez que varios miles de alumnos se concentraron ante a Facultade de Dereito da Universidade Autónoma de Madrid coas súas mans alzadas cara adiante e coas palmas pintadas de branco para expresar o seu desexo dunha convivencia pacífica.
Dende aquela tamén se considera símbolo da paz.

Gandhi
O seu verdadeiro nome era Mohandas Karamchand Gandhi. Naceu o 2 de outubro en Porbandar, India, en 1869. Os seus achegados chamábanlle Mahatma, que, en sánscrito, significa ""Alma Grande". Casou aos 13 anos e tivo 4 fillos.
Estudou leis en Londres e no 1981 regresa á India para exercer. No 1983 foi traballar como avogado a África do Sur e loitou alí contra a discriminación de que eran obxecto os indios. Ao volver á India organizou a resistencia non violenta (a súa filosofía, de base relixiosa, tiña por principio fundamental a non violencia) contra o colonialismo e a non cooperación coa administración inglesa. Tratou de frear os choques entre hindús e musulmáns que se produciron tras a independencia en agosto de 1947 (os colonialistas británicos impuxeron como condición para retirar as súas tropas, a división da India en dous estados, India e Paquistán, un hindú e outro musulmán). Encarcerado en numerosas ocasións, era en 1937 o líder dun movemento independentista capaz de mobilizar ou deter a millóns de indios. Morreu o 30 de xaneiro de 1948.
O seu exemplo de protesta non violenta aínda é reverenciado en todo o mundo hoxe en día.

Martin Luther King

Líder da Conferencia do Liderado Cristián do Sur. Activista polos dereitos civís. O 28 de Agosto de 1963 dirixiu a histórica marcha, a marcha do pobo pobre a Washington onde pronunciou o seu famoso discurso "Teño un soño". Organizou e liderou marchas para conseguir o dereito ao voto, a fin da segregación, a fin das discriminacións no traballo e outros dereitos civís básicos. A maioría despois contemplados na Lei de Dereitos Civís (1964) e na Lei de Dereitos Electorais (1965).Tiña unha filosofía de protesta non violenta. Defensor da Paz e contra as guerras independentemente da cor das persoas. Foi asasinado.
Recibiu o premio no 1964.

Dalai Lama

Jetsun Jamphel Ngawang Lobsang Yeshe Tenzin Gyatso ou Tenzin Gyatso (nomes relixiosos), Lhamo Dondrub (nome de nacemento), nado o 6 de xullo de 1935 na localidade tibetana de Taktser, rexión de Amdo, é o 14º e actual Dalai Lama. O líder político e relixioso do pobo tibetano. Outro gran pacifista. Defensor ardente da paz e a pluralidade ideolóxica. O Dalai Lama (que significa "Océano de Sabedoría") está a favor da bondade e a compaixón, o respecto ao medio ambiente e, por encima de todo, a paz mundial. O obxectivo principal é, servir á humanidade. Premio Nobel 1989

Nelson Mandela

Mvezo 18.07.1918 - Xohanesburgo 5.12.2013. Activista contra aparheid, político e filántropo. Presidente de Suráfrica do 94 ao 99. Preso político durante máis de 25 anos. Presentou a chamada "Comisión da Verdade e a Reconciliación". Foi o primeiro mandatario de raza negra que encabezou o poder executivo, e tamén o primeiro en resultar elixido por sufraxio universal no seu país. Presidiu o Congreso Nacional Africano (CNA) e foi secretario xeral do Movemento de Países Non Aliñados entre 1998 e 1999. En Suráfrica é coñecido como Madiba. Nobel no 1993.

Shirin Ebadi

Irán 1947, foi a primeira iraní e a primeira muller musulmá en gañar o Premio Nobel da Paz no 2003. Concedéronllo pola súa loita pola democracia e os dereitos humanos, centrándose na loita polos dereitos das mulleres e nenos.
Aos 26 anos converteuse na primeira muller xuíza do seu pais. Entre 1975 y 1979 presidiu o Tribunal de Primeira Instancia da cidade de Teherán. Trala Revolución foi obrigada a dimitir, pasando a traballar como avogada e profesora de xurisprudencia islámica na Universidade.
É co-fundadora das organizacións non gobernamentais: Asociación da Defensa dos Dereitos da Infancia e do Centro de Defensores dos Dereitos Humanos.

Malala Yousafzai

Nada o 12 de xullo de 1997, é unha activista a prol da educación feminina en Paquistán, e a persoa máis nova en recibir un Premio Nobel en calquera categoría.
É coñecida pola súa defensa dos dereitos humanos, en especial o dereito á educación e os dereitos das mulleres no Val de Swat, no noroeste de Paquistán, onde os talibáns prohibiran ás mulleres asistir ó colexio. A loita de Yousafzai converteuse dende entón nun movemento internacional.
Premio Nobel no 2014.