Le o poema para sinalar a opción correcta. Podes escoitar algunha versión musicada no blog "son de poetas", concretamente AQUÍ
EU EN TI, Celso Emilio Ferreiro
Eu xa te busquei cando o mundo era una pedra intacta. Cando as cousas buscaban os seus nomes, eu xa te buscaba.
Eu xa te procurei no comezo dos mares e das chairas. Cando Deus procuraba compañía eu xa te procuraba.
Eu xa te chamei cando só a voz do vento soaba. Cando o silencio chamaba polas verbas, eu xa te chamaba.
Eu xa te namorei cando o amor era unha folla branca. Cando a lúa namoraba os outos cumes, eu xa te namoraba.
Sempre, dende a neve dos tempos, eu, na túa alma.
Celso Emilio Ferreiro, O soño sulagado
No texto, observamos a seguinte estrutura:
Dúas partes: a primeira abranguería as catro primeiras estrofas, onde expresa dende cando buscou, procurou, chamou, namorou; a segunda sería a última estrofa, que é unha conclusión, un resumo do anterior.
Dúas partes: a primeria serían as dúas primeiras estrofas, cando o poeta busca o amor; a segunda serían as restantes, onde expresa que o atopou.
Tres partes: introdución, nó e desenlace
Cinco partes: unha por cada estrofa.
Podemos enunciar o tema do texto do seguinte xeito:
A eternidade do amor
A creación do mundo
O desamor
A espera do amor
En canto á voz poética:
Trátase dun poema en 1º persoa (eu, busquei, procurei…) que se dirixe a unha segunda persoa (te, túa)
Trátase dun poema no que predomina a 3º persoa (buscaban, procuraba…)
A voz poética é unha 1º persoa (eu, busquei, procurei…), pero non se dirixe a ninguén en particular.
O espazo ó que se alude no texto:
Móstrase despoboado, silencioso… nos albores do mundo
Aparece coma un espazo caótico, repleto de elementos, con moito balbordo
Non se fai referencia a ningún elemento do espazo
Que significado ten o seguinte verso: “cando as cousas buscaban os seus nomes”?
Buscaba dende o principio dos tempos
Identifícase con calquera cousa que ande á procura doutra
Buscaba desde antes de que nacera o galego
Que significado ten o seguinte verso: cando o amor era unha folla branca”?