SONETO

Bendito sexa o ano, o mes o día
que te encontrei no medio do camiño
e andabas escollendo a flor do espiño
sen te mancar na espiña que fería;

bendita sexa a hora en que eu prendía
no teu claro mirar de trigo e liño
e o instante en que probei o manseliño
mel da palabra túa de amavía:

bendito sexa o intre e o segundo
en que determinei ser teu amigo
e camiñar contigo polo mundo.

bendito sexa o porto e a cidade
onde embarquei pra navegar contigo
nun navío de amor e de saudade.

Darío Xohán Cabana

Este poema é un soneto, composición poética que consta das seguintes estrofas:
1. Dous cuartetos e dous tercetos
2. Dúas cuartetas e dúas tercetas
3. Catro paredados e dous tercetos
4. Dous serventios e dous tercetos
O esquema estrófico deste soneto é o seguinte:
1. ABBA ABBA CDC EDE
2. ABBA ABBA CDC CDC
3. abba abba cdc ede
4. abba abba cdc cdc
O tipo de rima é:
1. Asonante
2. Consonante
Que tipo de versos contén este soneto?
1. Hendecasílabos
2. Dodecasílabos
3. Alexandrinos
4. Enneasílabos
Sinala o cómputo silábico que se aplicaría no primeiro verso:
1. Ben – di – to – se – xaoa - no,- o – mes – o – dí - a
2. Ben – di – to – sexa – oa - no,o – mes – o – dí - a
3. Ben – di – to – se – xa – o – a - no, - o – mes – o – dí - a
4. Ben – di – to – se – xa – o – a - no, - o – mes – o – día
Que licenza poética se dá no seguinte cómputo silábico: que – teen – con - trei – no - me - dio – do – ca – mi - ño ?
1. Sinalefa
2. Diérese
3. Sinérese
4. Hiato
Ó realizar o cómputo silábico deste soneto, hai que sumar ou restar sílabas?
1. Non, porque tódolos versos rematan en palabras graves
2. Si, porque hai dous versos que rematan en palabras agudas
3. Si, porque hai catro versos que rematan en palabras agudas
4. Si, porque hai dous versos que rematan en palabras esdrúxulas
No poema aparece unha gradación con termos referentes ó paso do tempo; que termos forman esta gradación?
1. Ano, mes, día, hora, segundo
2. Flor, espiño, trigo, liño
3. Claro, instante, palabra, contigo
4. Década, lustro, ano, trimestre
Os primeiros versos de cada estrofa comezan do mesmo xeito: “Bendito sexa o…”. Como se denonima este recurso literario?
1. Paralelismo
2. Comparación
3. Sinalefa
4. Metáfora
Cal é o tema do soneto?
1. A alegría por ter atopado o amor
2. A despedida da dúa namorada
3. O paso do tempo
4. A beleza da natureza

SONETO

O soneto é, xunto co romance, unha das composicións poéticas máis importantes.