ROMANCE DA LAVANDEIRA

Romance da lavandeira

Imaxe: PublicDomainPictures. www.pixabay.com
Música: Fuxan os ventos

Era unha noite de lúa
era unha noite clara,
eu pasaba polo río
de volta da muiñada.
Topei unha lavandeira
que lavaba ao par da auga.
Ela lavaba no río
e unha cantiga cantaba
Moza que vés do muíño,
moza que vés pola estrada,
axúdame a retorcer
miña sábana lavada.
¡Santa María te axude
e San Lourenzo te valla!
Desparece a lavandeira
como fumeira espallada
Onde as sábanas tendera
poza de sangue deixara.
Era unha noite de lúa
era unha noite clara.

Para saber máis sobre a figura desta mensaxeira da morte, bótalle unha ollada ó interesante blog de Rafa Quintía: PREME AQUÍ

O romance é unha composición poética formada por un número libre de versos que, como no caso deste exemplo, son:
1. Octosílabos
2. Heptasílabos
3. Enneasílabos
4. Decasílabos
Este poema ten o mesmo tipo de rima que é característico dos romances, que consiste en:
1. Rima asonante nos pares, quedando libres os impares
2. Rima consonante nos pares, quedando libres os impares
3. Rima asonante nos impares, quedando libres os pares
4. Rima consonante nos impares, quedando libres os pares
Sinala o que mellor resuma o contido do romance:
1. Unha noite, ó volver do muíño, atopa una lavandeira no río e, cando lle vai axudar a retorcer a saba, a lavandeira desaparece a queda unha poza de sangue
2. Unha noite, ó ir cara ó muíño, unha lavandeira canta unha cantiga e, ó chegar ó río, desaparece.
3. Unha noite, unha lavandeira cae ó río e, cando é rescatada por alguén que volvía do muíño, ve que está chea de sangue.
Que recurso literario se dá nos seguintes versos: “Desparece a lavandeira /
como fumeira espallada”
1. Comparación
2. Metáfora
3. Imaxe
4. Personificación
Que recurso literario se dá nos seguintes versos: “Era unha noite de lúa /
era unha noite clara”
1. Paralelismo
2. Comparación
3. Personificación
4. Imaxe
Que recurso poético se realiza ó facer o seguinte cómputo silábico: mo-za-que-vés-po-laes-tra-da
1. Sinalefa
2. Diérese
3. Sinérese
4. Hiato

ROMANCE DA LAVANDEIRA

O romance (xunto co soneto, unha das composicións poéticas máis importantes), pode ser lírico ou narrativo.

Romance da lavandeira