Accede ao seguinte enderezo web:

http://www.xunta.es/linguagalega/dia_internacional_da_lingua_materna_2010

Ao final, en “recursos” hai unha ligazón a “Mapas Vivos”. Escolle un continente, busca información sobre as linguas faladas en catro países dese continente e elabora un esquema-resumo.

Procura información sobre Liet: Concurso de música europeo para linguas minoritarias.

A cada alumno asígnaselle a lectura dunha das linguas desenvolvidas nos enlaces correspondentes a Europa e América.

Posteriormente,  o profesor/a indicará os alumnos que deberán expoñer oralmente aos compañeiros a situación sociolingüística dos devanditos países.

Traballo de recompilación (e posterior síntese da información) sobre a situación dalgunha das linguas non traballadas neste tema.

Completa, como mínimo, a seguinte información:

País:

Continente:

Nº de habitantes:

Lingua/s oficial:

Ten linguas minoritarias ou minorizadas?

De que familia lingüística?

Cales son as linguas escolares?

Proposta de investigación: significado e contexto do seguinte texto:

Á l’école:

“Defense de cracher par terre et de parler breton”.

Resolución de problemas

Descrición

Expoñemos aos alumnos o seguinte problema relacionado coas linguas en contacto tomado dun xornal:

Unha alumna comeza a realizar nunha clínica as prácticas do Ciclo que está estudando. Como ela fala galego, emprega esa lingua o día que se vai presentar. A persoa responsable comunícalle que alí non poderá falalo, porque traballan de cara ao público e non queren que o persoal fale galego cos clientes.

Divídese a clase en grupos de tres. O alumno A será a alumna en prácticas, o alumno B o responsable da clínica e o alumno C actuará de secretario. Os alumnos A e B simularán a escena e intentarán chegar a unha solución; cando rematen, o alumno C tomará nota das solucións propostas.

Uha vez que finalicen as simulacións todos os grupos, os secretarios lerán as solucións propostas e o profesor irá escribíndoas no taboleiro. Para rematar, despois de debateren sobre elas, votarase pola solución que estimen máis axeitada.