2.1.2 Prismas

É un poliedro limitado por dous polígonos iguais e paralelos entre si que forman as bases e as caras laterais. A altura do prisma e a distancia entre as bases. O prisma é recto se as caras laterais son rectángulos e perpendiculares ás bases.

Prismas rectos. Teñen nas bases polígonos regulares (prismas regulares)	Prismas oblicuos. As caras laterais non son perpendiculares ás bases

Clasificación dos prismas

En función de que o tipo de polígono das bases do prisma sexa un triangulo, un cadrado, un pentágono, etc., denomínanse triangulares, cuadrangulares, pentagonais, hexagonais, etc.

Áreas dos prismas

A partir do desenvolvemento dun prisma podemos calcular con claridade a súa área:

• Área total = área lateral + 2 · área da base

• Área lateral: AL é a suma das áreas das súas caras laterais (área lateral = perímetro da base · Altura (h))

• Área das bases: AB é a suma das áreas das súas dúas bases (área total = área lateral + 2 · área das bases)

Paralelepípedos

Son prismas en que todas as súas caras son paralelogramos; cada par de caras opostas son iguais.

Ortoedros. Son paralelepípedos con todas as caras rectangulares. Área Total = 2.a.b + 2.a.c + 2.b.c = 2 ( a.b + a.c + b.c )	Cubos. Cubo é un ortoedro en que as tres dimensións son iguais Área Total = 6. a2