2.2 Ampliación dos naturais aos enteiros pola necesidade da utilización dos negativos

Para expresarmos a posición dun obxecto respecto ao nivel do mar, estando por baixo da superficie, non abondarían os números naturais; precisariamos os números negativos.

Chamaremos números negativos aos que están por debaixo de cero, van precedidos dun signo menos e, xunto cos naturais, forman o conxunto dos números enteiros.

Xa que logo, os números enteiros están formados por:

• Enteiros negativos: -5, -4, -3, -2, -1
• Enteiros positivos: +1, +2, +3, +4, +5
• Numero 0

Diremos que -8 e +8 son números opostos. O valor absoluto  dun número enteiro a é o natural que resulta de quitarlle o signo.