5.- A polea.

Normalmente as poleas son rodas cunha canle pola que pasa unha corda e que facilitan a realización dunha forza. Empregamos a polea, por exemplo, para subir un caldeiro de auga do pozo ou cando subimos unha persiana.

Ó igual que na panca tamén realizamos unha “potencia” para vencer unha “resistencia” e existe un punto de apoio no eixo sobre o que xira a polea. Hai poleas fixas e móbiles.

As poleas fixas, como as dos pozos, so facilitan o traballo e non aforran forza, xa que aquí, como podes ver na imaxe, o brazo de potencia e o de resistencia teñen o mesmo tamaño.

Noutros casos a polea pode subir ou baixar coa carga que queiramos mover (resistencia), neste caso a polea móbil aforra a metade da forza.

Cando se combinan poleas móbiles e fixas obtemos un poliplasto, fundamentalmente se empregan para levantar grandes pesos.