Tempus fugit

Accede directamente ás táboas cronolóxicas de calquera época e calquera materia. Poderás navegar pola táboa no encerado dixital ou no ordenador, saltando duns séculos a outros, dunhas materias a outras.

Dende aquí accédese unicamente ás táboas cronolóxicas, non aos xogos.

Arquivo completo con tódalas táboas e case tódolos xogos. Especialmente pensado e deseñado para baixalo, gardalo no disco duro e facer ligazóns a el dende outros rotafolios: deste xeito terás sempre a man as táboas cronolóxicas e os seus xogos, ¡¡... e sen depender de Internet ...!!

O seu "peso" (uns 4,5 Mb) permite levalo nunha memoria USB.

Evidentemente, poderás adaptalo ás túas necesidades e preferencias engadindo ou suprimindo o que queiras: a licenza creative commons, baixo a que se publica Tempus Fugit, autorízache a facelo con estas condicións:

1. Recoñecer expresamente aos autores orixinais.
2. Non facer un uso comercial.
3. Se fas obras derivadas desta, debes compartilas baixo unha licenza similar a esta.

Tes as táboas cronolóxicas en formato PDF, listas para imprimir e elaborar un mural cronolóxico para colocar nas aulas. A diferenza das táboas proxectadas no encerado dixital ou visualizadas na pantalla do ordenador, o mural aporta e permite unha visión do conxunto da Historia.

Confecciona un "mural" coa totalidade das táboas: Unha parede na aula será o soporte ideal para colocalo e sinalar ao alumnado as referencias cronolóxicas que aparezan nas túas clases.

É posible confeccionar diferentes murais, pero convén elaborar un único mural con tódalas máterias coa finalidade de facilitar e estimular as relacións interdisciplinares. Materias como "Proxecto interdisciplinar", recentemente incorporada á ESO atoparán neste mural unha boa ferramenta para construir pontes transdisciplinares.

Táboas cronolóxicas en arquivo de tipo *.DOC Este arquivo pódese abrir cun procesador de texto (Writer de OpenOffice, Word de Microsoft Office, ...) e contén as imaxes das táboas, que podes copiar e facer obras derivadas tales como apuntamentos para o alumnado, páxinas web, ...

Abre este arquivo, busca a táboa do teu interese, preme enriba dela co botón dereito do rato, copia, vai ao teu procesador de texto e pega. Xa podes aumentar ou diminuir o tamaño da imaxe, recortar, etc ... para incorporala aos teus puntamentos, exames, ...