Composición libre, pódense usar diferentes formas do demostrativo.

Mais, velaí unhas propostas:

1. Para esa tarefa non me cómpre ese trebello, senón estoutro e mais aqueloutros de alá.
2. Iso vaiche resultar moi difícil.
3. Despois de se decataren diso, tiveron que desaparecer daquela casa.
4. Eu prefiro iso, mais é algo máis caro que isto.
5. Estes vídeos están algo pasados de moda, eses están moito mellor.
6. Nese mesmo lugar saíuse da estrada meu pai cando tiña aquel deportivo vermello.
7. Con esa amplificación non se escoitan nada ben estes grupos folclóricos.
8. Todo isto que ves fíxeno eu con estas manciñas tan xeitosas.
9. Esta bicicleta estática custoulle á Mila moitas suores.
10. Se o fas desta maneira conseguirás mellores resultados.
11. Colle eses pasteis e deixa este para teu curmán.
12. Este verán moito nos divertimos; aqueles italianos eran do máis simpático.
13. nesta aquela casa faise o que eu mando, non vos esquezades diso.
14. Tráeme aquilo de alá, que con isto non me arranxo.
15. O gañador non é ese nin este nin aqueloutro; son eu, así que a enfastiarse.
16. Este ano os do Breogán gañaremos a liga ACB grazas a estes dous reforzos americanos tan altos e anotadores.
17. Daquela auga non beberei eu.
18. Con esas cartolinas vaiche resultar moi feitiño.
19. Eta banda deseñada é tan boa como aquela que me ensinaches o ano pasado.
20. Aquilo si que era vivir, todo o día estomballado co bandullo ao sol.
21. Deixa iso aí onde está.
22. Que ben saben esas galletas! Déixame probar unha...
23. Daquela aínda non se tiña ás mesas.
24. Con aquilo do aniversario chegou o módem soñado.
25. E nestas rompeu a chover.