*Observar, nomear e describi-las partes da cara. Compara-la cara de frente e de perfil.

*Facer un retrato de nós mesmos mirándonos de frente no espello. O fondo podémolo realizar ca técnica que empregou van Gogh no seu autorretrato, con pequenos trazos ondulados combinando distintos tonos.

*Face-lo retrato de perfil de tódolos compañeiros. Un neno colócase ás escuras entre a parede e un flexo aceso. Traza-lo contorno da súa sombra cun carbón de debuxo,  despois completalo.

*Partindo da silueta dunha cara dividida en catro partes iguais. Debuxar un retrato, recórtanse as partes e intercambianse, formando un retrato diferente.

*Facer un retrato coa técnica do collage, recortando imaxes de bocas, narices, ollos... de revistas, pegándoas obteremos rostros sorprendentes.

*Facer un retrato da nosa nai, coa mesma técnica que o retrato de Matisse. Marcar ben a silueta con negro, dividi-la cara en dúas partes e pintar cada parte dunha cor distinta. Podemos utilizar ceras brandas.

*Facer unha máscar ou un busto con papel maché.

*Debuxar un retrato de corpo enteiro. Doblando un folio en tres partes, cada neno debuxará unha parte (cabeza, tronco e pernas) sen que o compañeiro a vexa. A este xogo os surrealistas chamáronlle o cadaver esquisito.

*Imitar co noso corpo as distintas posicións que mostre o mestre ou un compañeiro. Elexir unha posición e debuxala esquemáticamente co lapis.

*Observa-lo cadro de “A danza” de Matisse e representala entre varios compañeiros. Xogar a algún xogo de corro. Nun momento determinado do xogo (pode ser ó para-la música) quedar como estatuas. Despois debuxar unha ou máis figuras en movemento.

*Despois de observa-lo cadro de Miró debuxar como sería o home desa muller. Primeiro co pincel e a pintura negra realizaremo-la silueta e logo encherémo-lo cadro coas cores primarias. Tamén podemos engadir algúns dos elementos característicos de Miró: estrelas, lúas...

*Cada neno debuxará a unha persoa colocada no medio da clase dende distinto ángulo (frente, perfil, espalda). Posteriormente xúntanse tres nenos, comparan os seus debuxos e despois de recortalos en anacos formarán un único cadro entre os tres. Fixarémonos no cadro cubista “A nena do barco”.

*Con caixas, tubos, cartolina, paus... facer unha escultura dunha persoa.