Guía do profesor
|
|
Para volver á páxina de inicio preme
na casiña |
Índice
1.1.-Título.
1.2.-Contexto
de aplicación.
1.3.-Profesorado
que intervén.
1.4.-Delimitación
do campo de traballo.
2
Memoria.
2.1.- Características técnicas do software e do hardware necesarios para a utilización do programa.
2.1.1.-Información relevante para o bo aproveitamento do
recurso..
2 .2.-Procedemento de elaboración do recurso e dos medios
utilizados.
2.3.-
Avaliación.
3.1.- Xustificación.
3.1.1.-Antecedentes.
3.1.2.-Contexto
no que xorde.
3.2.-Obxectivos.
3.1.1.-Obxectivos Xerais.
3.1.2.-Obxectivos
Específicos.
3.3.- Metodoloxía.
3.4.-
Avaliación.
4 Anexos
1.1. Título:
Aves de Valdeorras
1.2. Contexto de aplicación:
CEIP
Condesa de Fenosa
R/ Coruña
nº 24
32300 O
Barco de Valdeorras
(Ourense)
1.3.- Profesorado que intervén.
Xoaquín C. Freixeiro Álvarez
Mª del Carmen
García Fernández
Dentro da nosa Programación Xeral Anual (P.X.A.) proponse este programa ó
profesorado de informática do centro para presentalo os/as alumnos/as durante a
Semana da Natureza: 1º quincena de maio, especialmente para 3º ciclo de
primaria. Tamén a calquera profesor interesado no tema tanto deste centro coma
doutro.
1.4.- Delimitación do campo de traballo.
O proxecto diríxese ós alumnos e ás alumnas de E. Primaria, sobre todo no
terceiro ciclo por ser os contidos máis adaptados a súa programación de aula.
Tódolos alumnos/as de E. Primaria poden ser usuarios do programa en parte
ou na totalidade dunha forma guiada nun primeiro momento e de xeito autónomo
posteriormente.
Tamén se propoñen actividades como recollida de datos a través da
observación directa, ou uso do caderno de campo, que serán posteriormente
utilizados para a elaboración de materiais.
2.1.-
Características técnicas do software e do hardware necesarios para a
utilización do programa.
A páxina Web está optimizada
tanto para unha resolución de pantalla de 1024x768 píxeles, como para
unha resolución de 800X600.
·
Para entrar na páxina: O CD-Rom contén un autoexecutable
que abre a páxina de inicio ao se inserir no lector. Con todo, e no caso de que
por algunha causa non se autoexecutase, abrindo a
carpeta aves e clicando sobre a páxina index.htm abriríase a páxina.
Trátase dunha páxina de marcos na que hai un índice na
parte esquerda que nos permitirá navegar polas distintas páxinas.
·
Os gifs animados, siluetas, modelados e animacións son
orixinais do autor
·
Os sons están en
formato MP3.
·
A maioría das imaxes están en formato JPEG, pero tamén hai
imaxes en formato GIF (as de fondo transparente e as animacións). Tódalas
imaxes son de autoría propia ou libres de copyrigth.
2.1.1.-Información relevante para o bo
aproveitamento do recurso.
Os apartados seguintes: Galería -
Guía das aves - Canto aprendimos ?.(Actividades JClic), ábrense nunha xanela nova para permitir recibir
axuda mentres traballamos na páxina.
Así a guía pódese usar conxuntamente coas xanelas da galería, para ter a
referencia da imaxe da ave que queremos identificar. Tamén canda as actividades
JClic, podemos ter abertas a guía ou a Web para
navegar na busca das solucións das actividades..
·
Actividades:
Optouse por introducir actividades JClic en vez
de outras alternativas (Ex: Hotpotatoes) porque é
máis versátil, aportando máis opcións de exercicios e permite un entorno visual
máis atractivo para os nenos/as.
As actividades céntranse en cuestións de anatomía e identificación das 32
especies máis habituais da zona.
As actividades dos alumnos entre outra características son autocorrectoras: á vez que van acertando cada resposta van
completando o debuxo da base. Deste xeito eles mesmos van comprobando a
veracidade das súas respostas e o seu grao de aprendizaxe. Así mesmo esto nos
permite traballar en diferentes niveis de complexidade dada a diferencia de
idade do alumnado o que vai dirixido
·
Comentario breve das páxinas principais:
Páxina de
inicio:
Ademáis dos créditos, nesta páxina o usuario pode elexir
a resolución de pantalla axeitada para o seu ordenador. Tamén dende ela podemos
acceder a esta guía didáctica.
Páxina
Principal:
Presenta o atractivo de cor, música e movemento para captar o interés dos nenos e nenas dende o primeiro momento.
Orixe das aves:
Como fío motivador partimos do tema dos dinosaurios
que nos axudará a comprender mellor a evolución animal.
Anatomía das aves:
Nesta páxina picando nas diferentes partes do corpo dun modelo de paxaro,
aparécenos nunha xanela flotante información sobre cadansúa parte, facendo
relación das diferencias morfolóxicas das distintas aves co nicho ecolóxico que
ocupan as propias aves.
Onde observar aves
Tamén mediante xanelas emerxentes recollemos información dos mellores
lugares para a observación de aves dentro da comarca de Valdeorras.
Observación:
Indícase material básico para observar e cales son as pautas de conducta
que debemos gardar na natureza.
Galería
Imaxes provenientes do noso caderno de campo, captadas no propio entorno de
Valdeorras, polo que todas as aves ofrecidas neste apartado son de posible
observación nunha saída de campo na comarca.
Guía das aves:
A Guía das aves pretende, ao través de pantallas de opcións múltiples, ir
seleccionando aquelas características significativas das aves que queiramos identificar,
deica acadar o nome dunha especie. Tamén se ofrecen, ó chegar á pantalla final
de cada busca informacións sobre especies relacionadas coa principal para
ampliar os nosos coñecementos.
Curiosidades:
Datos curiosos e de gran atractivo sobre o mundo das aves. En ningún
momento se pretende a súa memorización. Por ejemplo:
cousas como que o Carrán Ártico percorre 40.000 km ¡chama a nosa atención!
Directorio:
Páxina de enlaces a Webs relacionadas co mundo
das aves e que presentan recursos de interese para ampliar as informacións
presentadas no sitio Web.
Canto aprendimos?
Actividades JClic nas que o usuario pode autoavaliar os coñecementos adquiridos, tanto sobre
anatomía como de identificación das especies máis comúns do entorno valdeorrés.
2.2.-Procedemento de elaboración do recurso e dos medios utilizados.
É indiscutible que o uso das tecnoloxías da información e a comunicación
como recurso educativo posibilita e facilita o acceso a formación e a
información. A adquisición de novos coñecementos dun xeito dinámico activo pasa
pola alfabetización de alumnos e profesores nas novas tecnoloxías. Por elo
dende o Ceip Condesa de Fenosa a inclusión das novas
tecnoloxías nas aulas é cada vez máis frecuente así como a necesidade de
materiais motivadores en galego para os/as nenos/as.
Solo conxugando os intereses dos nenos/as, o contorno no que nos movemos e
as novas tecnoloxías que nos permitan traballar de xeito doado podemos acadar
un ensino de verdadeira calidade.
O procedemento de traballo comprende tres fases:
1ª Fase: Fase de deseño do
traballo
Observación das aves
Recollida de datos
Notas no caderno de campo
Recollida de sons
Realización de fotografías
2º Fase: Fase de Producción
Organización, planificación e
deseño da páxina
Recollida e selección de
información
Elaboración de distintas
actividades
3º Fase Fase
de execución do programa
Avaliación
Que aprendimos?
Aprendimos a observar?
Aprendimos a recoñecer diferentes especies?
Aprendimos a diferenciar sons?
3.1.- Xustificación do proxecto.
·
Que pretendemos?
O principal obxectivo é:
“ensinar ós rapaces e rapazas a
observar.”
Para elo contamos cun elenco
de sesenta aves que viven en Valdeorras e que os nenos e nenas poden coñecer no
seu propio entorno de xeito doado. Por elo evitamos as aves mariñas e
centrámonos nesta zona interior de Galicia de clima atlántico con influencias
mediterráneas que nos proporciona un entorno tan particular.
Para acadar isto o primeiro
que necesitamos é coñecer as características das aves que nos farán máis doada
a súa identificación: Partes do corpo, cor, tamaño…
Ex: Identificación das aves por tamaño
3.1.1.-
Antecedentes
Unha das razóns pola
que decidimos levar a cabo este traballo foi por que no curso pasado a raíz
dunha serie de saídas ó campo decatámonos do interese que suscitaba nos
alumnos/as o tema dos paxaros. Esto unido o interés
“innato” polas novas tecnoloxías fixo que nos plantexáramos
a recopilación de materiais nun primeiro momento e a
súa presentación do xeito máis motivador e axeitado para os nenos/as.
Así pretendemos ir enchendo de contidos didácticos e contextualizados as
aprendizaxes a través das novas tecnoloxías.
Daquela propuxémonos facer un proxecto minucioso que parta dos intereses e
necesidades máis achegadas ós alumnos/as onde a observación e a análise foran
os puntos de partida.
3.1.2.-Contexto
no que xorde
Con este sitio Web pretendemos continuar coa dinámica do centro de implicar
a toda a comunidade educativa en proxectos de interese comúns que faciliten a
coordinación entre os profesionais do claustro.
A intención deste traballo é aproveitar uns recursos didácticos anovadores
e altamente motivadores para o alumnado e que nos poden servir de moita axuda
no traballo cotiá, a vez que buscamos que a utilización da nosa aula de
informática sexa cada vez máis satisfactoria.
Por iso coa introducción da novas tecnoloxías na aula pretendemos aportar
uns materiais motivadores, sinxelos e de doado manexo que axuden ós/ás
alumnos/as a acadar os obxectivos académicos prantexados
respectando en cada momento a individualidade no ritmo de aprendizaxe de cada
un e mellorando o rendemento dos alumnos/as.
Propóñense tres lugares específicos de Valdeorras para observar as aves: A
Serra da Enciña da Lastra, O Encoro de S. Martiño e o
río Sil ó paso polo Barco de Valdeorras xa que son os lugares e maior interese
ornitolóxico da comarca.
Tódalas especies que aquí podemos observar aparecen na guía das aves vencelladas directamente ás aves da súa familia e
relacionadas con elas.
3.2.-Obxectivos:
Só si partimos dunha valoración
adecuada do uso da informática nas aulas, na súa xusta medida e cun coñecemento
mínimo dos programas que desexamos utilizar, estaremos en condicións de plantexarnos a súa verdadeira introducción no ensino.
Pretendemos que os profesores se acheguen ás tecnoloxías
para que mellore o proceso de ensino-aprendizaxe dos
alumnos/as e que tódolos coñecementos poidan ser experimentados e vividos por
profesores e alumnos.
Pretendemos que o ordenador sexa o instrumento para
potencia-las aprendizaxes con creatividade como recurso, guía e avaliación.
Por outra banda queremos traballar programas feitos a medida
das nosas necesidades, con contidos referidos ó noso entorno que os nosos
nenos/as reclamaban dado que os programas de mercado non eran a solución.
Queremos facer unha verdadeira contextualización
do ensino nas novas tecnoloxías
Pretendemos ofrecer unha
educación multimedia onde os alumnos/as fagan un uso adecuados das tecnoloxías
e poidan acadar os coñecementos, destrezas e actitudes necesarias para
comunicarse, utilizando diferentes linguaxes e medios, ó tempo que desenvolven
unha autonomía persoal que os capacita para comprender e valorar o medio no que
viven.
3.1.1.-Obxectivos Xerais
1 Pretendemos resolver o
problema didáctico da área de Coñecemento do Medio relacionado cos animais do
noso entorno, concretando coas aves,que pola súa complexidade non é doado para
os alumnos/as. Inclúese dentro do bloque de contidos:
“As paisaxes de Galicia” Animais do meu entorno
2 Adapta-los contidos educativos
á realidade galega máis cercana.
3 Mostrar un deseño pedagóxico con
exemplos, exercicios e suxestións que permitan acadar os alumnos/as un nivel de
contidos e aplicacións didácticas relevantes na súa formación.
4 Presentar as actividades
permitindo o proceso de autoavaliación por parte do
alumnado, tendendo deste xeito a promover unha aprendizaxe autónoma do
alumno/a.. Ex: ver Canto aprendimos ?
5 Valora-la calidade do deseño
gráfico, a interactividade e o uso doado do material
por parte dos alumnos/as.
6 Achegar cada vez máis o ensino
ás novas tecnoloxías e facilitar o profesorado a súa labor docente con materias
de fácil uso e transferibles a outros centros educativos onde poden ser doada a
súa adaptación.
7 Facilitar os medios para que
os alumno con discapacidades motoras que non lle é
doado o acceso a un entorno natural poidan disfrutar
del a través deste medio.
Obxectivos específicos
·
·Potencia-la capacidade de observación.
·
·Realizar materiais didácticos, adaptados á realidade do centro, para a súa
aplicación na aula de informática.
· ·Desenvolver temas da área de Coñecemento
do Medio (Aves) en formato web, e despertar unha
conciencia de defensa e respecto do seu entorno natural máis próximo.
· Exercita-las destrezas
básicas necesarias para acadar un nivel aceptable de usuario das tecnoloxías.
· Iniciarse no uso das
novas tecnoloxías dunha forma libre e responsable.
·
Desenvolver novas habilidades comunicativas
para o traballo en equipo.
·
Outorgar ós/ás alumnos/as un maior protagonismo e participación no proceso de aprendizaxe así
como maior motivación.
·
Procurar unha atención individualizada e un
maior contacto entre escola e contorno.
·
Facilitar o acceso a máis recursos dos que
dispón a escuela tradicional ou a familia.
·
Conceder maiores oportunidades ós alumnos/as
con discapacidades.
3.3.- Metodoloxía.
O estilo de aprendizaxe
que propoñemos está baseado no constructivismo, polo que o rol do profesor será
o de capacitar e facilitar o proceso de construcción de actividades
significativas e ensinar ós/ás alumnos/as aqueles coñecementos específicos do
programa que se estea utilizando, formar ós nenos/as no uso de ferramentas
informáticas sinxelas para conseguir unha conducta autónoma co ordenador así
como desenvolver a capacidade de resolución de problemas, experimentación e
análise das conclusións.
Como principio de calquera aprendizaxe está a motivación, e na actualidade
a forma de motivar non se pode prantexar sen incluír
a informática. As aprendizaxes a través do xogo, a posibilidade de errar,
repetir, volver atrás, perfeccionar, ampliar
... xa non pasan necesariamente
pola goma e o lapis; hoxe co ordenador este aspecto está resolto.
3.4.-Avaliación.
A máis dos sistemas e procedementos de avaliación
habituais: continua, ó longo do proceso e sistemática, ó remate do traballo
valorouse de forma moi positiva os seguintes aspectos:
Grao de coñecemento e desenvolvemento do entorno web.
Grao de satisfacción do alumnado ó que llo presentamos.
Posibilidades de aproveitamento dos materiais confeccionados.
A repercusión no proceso de aprendizaxe diario.
As posibilidades de ampliación a outras áreas e niveis.
A posta en marcha dun proxecto común para todo o centro,
a participación de toda a comunidade escolar: profesores e alumnos/as de
tódolos niveis é o noso entender o maior logro acadado neste traballo, sen
todos eles non tería sido posible.
Imprimiremos as páxinas máis representativas que nos dan unha idea xeral do
traballo xa que non resultaría operativo imprimir todo o proxecto dado o
elevado número de páxinas, actividades, tipos de aves
