Criterios de avaliación e mínimos de consecución
Na seguinte táboa recóllense os criterios de avaliación, os mínimos de consecución establecidos para cada criterio, os instrumentos de avaliación previstos e a súa ponderación (segundo a proposta de Proens).
Cómpre ter en conta que:
- A táboa inclúe os pesos dos criterios de avaliación das dúas unidades didácticas, polo que a suma total é do 200 %.
- O peso na materia das unidades didácticas que abrangue este REA é :
- 10 % UD9 O século da Razón. Transformación política. Da servidume á cidadanía.
- 5 % UD12 Os movementos artísticos. As artes na época da Ilustración. Rococó, Neoclasicismo, Romanticismo. A figura de Goya.
- Ao desenvolver de maneira conxunta dúas unidades didácticas da programación modelo de Proens, é preciso facer unha media ponderada coas porcentaxes anteriores para o cálculo da cualificación final.
| Códigos CA: descrición dos criterios de avaliación | Mínimos de consecución | Instrumentos de avaliación | Unidade/s didáctica/s (Proens) | % (Orientación de Proens) |
|---|---|---|---|---|
| CA1.1 - Elaborar contidos propios en distintos formatos, mediante aplicacións e estratexias de recollida e representación de datos máis complexas, usando e contrastando criticamente fontes fiables, tanto analóxicas como dixitais, do presente e da historia contemporánea, identificando a desinformación e a manipulación. | Ordena en certa medida as etapas históricas entendendo como se escribe a historia e sendo capaz de indicar algunha fonte para facer historia. | TI | 9 | 10 |
| CA2.1 - Analizar procesos de cambio histórico e comparar casos da historia e da xeografía a través do uso de fontes de información diversas, tendo en conta as transformacións de curta e longa duración (conxuntura e estrutura), as continuidades e permanencias en diferentes períodos e lugares. | Responde cun nivel de suficiencia adecuado ás cuestións presentadas no exame sobre o Antigo Réxime e as súas características políticas, económicas e sociais. | PE | 9 | 20 |
| CA2.2 - Utilizar secuencias cronolóxicas complexas nas que identificar, comparar e relacionar feitos e procesos en diferentes períodos e lugares históricos (simultaneidade, duración, causalidade), utilizando termos e conceptos específicos do ámbito da historia e da xeografía. | Realiza con certo nivel de coñecemento un exame escrito sobre o concepto de Ilustración e sinala algunha das súas críticas ao Antigo Réxime e os seus medios de difusión. | PE | 9 | 20 |
| CA2.4 - Identificar os principais feitos históricos nos diferentes contextos e valorar os cambios que propiciaron nos aspectos ideolóxicos, sociais, políticos e económicos conformando as bases do mundo contemporáneo e actual; así mesmo, xustificar que feitos do pasado teñen unha incidencia no presente establecendo relacións de causalidade e consecuencialidade que todo acontecemento histórico vai provocar no futuro. | Realiza no exercicio escrito cun nivel suficiente un comentario histórico guiado sobre os cambios políticos e económicos derivados da Ilustración. | PE | 9 | 20 |
| CA2.6 - Coñecer, valorar e exercitar responsabilidades, dereitos e deberes e actuar en favor do seu desenvolvemento e a defensa dos valores constitucionais e democráticos. | Redacta e expón o legado das correntes ilustradas na actualidade indicando algunha institución do Estado e as características das democracias e demostrando o valor do sistema constitucional e democrático. | TI | 9 | 20 |
| CA3.3 - Entender e afrontar, desde un enfoque ecosocial, problemas e desafíos pasados, actuais ou futuros das sociedades contemporáneas tendo en conta as súas relacións de interdependencia e ecodependencia. | Expresa con certa claridade as permanencias da Ilustración na actualidade plasmando nun resumo ou informe o valor do presente en función dos cambios producidos no século XVIII. | TI | 9 | 10 |
| CA1.3 - Coñecer os obxectivos de desenvolvemento sostible, realizando propostas que contribúan ao seu logro, aplicando métodos e proxectos de investigación, incidindo no uso de mapas e doutras representacións gráficas, así como de medios accesibles de interpretación de imaxes. | Expresa con certa seguridade, despois de identificalos, os diferentes estilos artísticos da época (comparando dúas imaxes, recoñece e numera algún elemento artístico que os diferenza). | PE | 12 | 20 |
| CA2.3 - Transferir adecuadamente a información e o coñecemento por medio de narracións, pósteres, presentacións, exposicións orais, medios audiovisuais e outros produtos. | Realiza con certa soltura un traballo sobre os movementos artísticos: Rococó, Neoclasicismo e Romanticismo incorporando os nomes de mulleres artistas e xulgando o por que da súa relegación. | TI | 12 | 20 |
| CA2.4 - Identificar os principais feitos históricos nos diferentes contextos e valorar os cambios que propiciaron nos aspectos ideolóxicos, sociais, políticos e económicos conformando as bases do mundo contemporáneo e actual; así mesmo, xustificar que feitos do pasado teñen unha incidencia no presente establecendo relacións de causalidade e consecuencialidade que todo acontecemento histórico vai provocar no futuro. | Clasifica con certa seguridade as características do rococó, do Neoclasicismo e do Romanticismo enumerando algún exemplo existente en España e en Galicia e relacionándoo cos feitos históricos. | PE | 12 | 20 |
| CA2.8 - Recoñecer os trazos que van conformando a identidade propia e a dos demais, a riqueza das identidades múltiples en relación con distintas escalas espaciais, a través da investigación e da análise dos seus fundamentos xeográficos, históricos, artísticos, ideolóxicos e lingüísticos, e o recoñecemento das súas expresións culturais. | Recoñece, a grandes trazos, a vida e obra de Goya amosando certo coñecemento das súas obras e do significado da Carga dos Mamelucos e os Fusilamentos do 3 de maio e relacionándoos coa Invasión Napoleónica. | PE | 12 | 20 |
| CA3.1 - Establecer conexións e relacións entre os coñecementos e informacións adquiridos, elaborando sínteses interpretativas e explicativas, mediante informes, estudos ou dossieres informativos, que reflictan un dominio e consolidación dos contidos tratados. | Realiza, con certo grao de seguridade, unha síntese sobre o valor da arte e a súa relación co contexto empregando algunha cita que recolla a influencia de Goya en pintores posteriores. | TI | 12 | 20 |
| Lenda: %: peso orientativo (o profesorado debe axustalo á súa programación); PE: proba escrita, TI: táboa de indicadores | ||||