Temporalización do REA

Esta unidade levarase a cabo en 18 sesións (as das unidades 6 e 8) e, segundo a programación didáctica de referencia publicada en PROENS para a materia de "Xeografía e Historia" de 3º de ESO, englóbase no segundo trimestre.

A continuación inclúese unha estimación da temporalización recomendada para cada fase deste recurso:

Fase	Seccións	Descrición do traballo a desenvolver	Temporalización
Fase 1. Abrindo a mente ao mundo	1.1. Analizando a sociedade 1.2. Coñecemento e inclusión	Actividades de motivación e presentación do reto final	2 sesións
Fase 2. Un punto de partida	2.1. A economía: facendo contas 2.2. A poboación: somos mogollón! 2.3. A sociedade: viva a diversidade!	Repaso de coñecementos previos sobre o tema	1 sesión
Fase 3. Construíndo unha identidade común	3.1. Oda á alegría: o mercado na Unión Europea 3.2. Denominación de orixe: o papel de España e Galicia na economía europea 3.3. Facémonos maiores!: os retos demográficos de España e Galicia 3.4. Canta máis variedade, mellor!: cambios sociais e diversidade 3.5. Repaso multinivel.	Sesións dedicadas á ensinanza e asimilación dos contidos. Búscase que o alumnado participe de xeito activo no proceso de ensino-aprendizaxe e a reflexión consciente, especialmente para relacionar os contidos partindo dunha visión local ata o global. Inclúe actividades interactivas multinivel deseñadas para facilitar a comprensión dos contidos introducidos e preparar o alumnado para a resolución do reto proposto na situación de aprendizaxe.	10 sesións
Fase 4. Todas as persoas suman		Sesións dedicadas á realización do reto final na modalidade que escolla o alumnado. Preténdese que este reto sexa unha expresión de todo o aprendido durante a unidade e que o alumnado sexa capaz de sintetizar de xeito coherente, claro e eficaz os coñecementos adquiridos.	4 sesións
Fase 5. Construíndo un mundo máis xusto e diverso.		Sesión de reflexión e autoavaliación do proceso de ensino-aprendizaxe.	1 sesión