O presente REA recolle os contidos das unidades 1 e 3 da proposta de programación de Proens para a materia de Xeografía e Historia para o 3º curso da ESO. Estes contidos tratan a relación entre a natureza e a sociedade, analizando as distintas formas de poboamento (rural e urbano) e a súa transformación histórica, a nivel mundial e local, sen esquecer como esta pegada humana ameaza á Terra.

O REA segue o Deseño Universal de Aprendizaxe (DUA), proporcionando actividades multinivel, adaptadas a diferentes niveis de dificultade, e lecturas facilitadas dos contidos explicados ao longo do recurso. 

Os contidos deberán ser empregados na resolución dun reto final no que o alumnado deberá elaborar un bando municipal que recolla as súas principais reivindicacións para evitar futuros lumes e o progresivo despoboamento do mundo rural galego.

A avaliación realizarase a través da rúbrica proporcionada, así como a mediante a retroalimentación a partir das actividades propostas. Ademais, o alumnado reflexionará sobre o seu propio proceso de traballo e progreso persoal no diario de aprendizaxe.

O obxectivo último é que a experiencia didáctica sexa motivadora e que o alumnado poda conectar os contidos da unidade coa súa realidade, moi especialmente coa necesidade de aprender do pasado para ter un desenvolvemento sostible e unha sociedade máis xusta e igualitaria.