Criterios de avaliación e mínimos de consecución
Na seguinte táboa recóllense os criterios de avaliación, os mínimos de consecución establecidos para cada criterio, os instrumentos de avaliación previstos e a súa ponderación (segundo a proposta de Proens).
Cómpre ter en conta que:
- A táboa inclúe os pesos dos criterios de avaliación das dúas unidades didácticas, polo que a suma total é do 200%.
- O peso na materia das unidades didácticas que abrangue este REA é :
- 5% UD1 Relacións entre a natureza e a sociedade. A pegada humana no medio e ameazas á Terra e o contorno próximo de España e Galicia.
- 5% UD3 O espazo natural, rural e urbano. Formas de poboamento e a súa transformación. Evolución en España e Galicia e retos do futuro.
- Ao desenvolver de maneira conxunta dúas unidades didácticas da programación modelo de Proens, é preciso facer unha media ponderada coas porcentaxes anteriores para o cálculo da cualificación final.
| Códigos CA: descrición dos criterios de avaliación | Mínimos de consecución | Instrumentos de avaliación | Unidade/s didáctica/s (Proens) | % (Orientación de Proens) |
|---|---|---|---|---|
| CA1.2 Xerar produtos orixinais e creativos mediante a reelaboración de coñecementos previos a través de ferramentas de investigación que permitan explicar problemas presentes e pasados da humanidade a distintas escalas temporais e espaciais, do local ao global, utilizando conceptos, situacións e datos relevantes. | Realiza con certa soltura un traballo mural sobre o medio ambiente, identificando e describindo de forma aceptable as principais características e as causas e consecuencias do seu deterioro. | TI | 1 | 20 |
| CA1.4 Identificar os elementos da contorna e comprender o seu funcionamento como un sistema complexo por medio da análise multicausal das súas relacións naturais e humanas, presentes e pasadas, valorando o grao de conservación e de equilibrio dinámico. | Identifica varias características da contorna natural e o aproveitamento que fai o ser humano do medio. | PE | 1 | 30 |
| CA2.5 Idear e adoptar, cando sexa posible, comportamentos e accións que contribúan á conservación e mellora da contorna natural, rural e urbana, a través do respecto a todos os seres vivos, mostrando comportamentos orientados ao logro dun desenvolvemento sustentable das devanditas contornas, e defendendo o acceso universal, xusto e equitativo aos recursos que nos ofrece o planeta. | Recoñece exemplos de actuación a prol da conservación do medio natural, rural e urbano, e iniciativas favorecedoras dun desenvolvemento igualitario e sustentable. | PE | 1 | 30 |
| CA3.6 Contribuír ao benestar individual e colectivo a través do deseño, exposición e posta en práctica de iniciativas orientadas a promover un compromiso activo cos valores comúns, a mellora da contorna e o servizo á comunidade. | Realiza traballos ou informes a diferentes escalas con propostas para contribuír a mellorar o medio ambiente. | TI | 1 | 20 |
| CA1.2 Xerar produtos orixinais e creativos mediante a reelaboración de coñecementos previos a través de ferramentas de investigación que permitan explicar problemas presentes e pasados da humanidade a distintas escalas temporais e espaciais, do local ao global, utilizando conceptos, situacións e datos relevantes. | Realiza con certa soltura a proposta dun traballo, identificando e describindo aceptablemente as principais características do espazo natural, rural e urbano da súa contorna. | TI | 3 | 20 |
| CA1.3 Coñecer os obxectivos de desenvolvemento sustentable, realizando propostas que contribúan ao seu logro, aplicando métodos e proxectos de investigación, incidindo no uso de mapas e doutras representacións gráficas, así como de medios accesibles de interpretación de imaxes. | Realiza un exercicio escrito no que ten que explicar algún dos dezasete obxectivos de desenvolvemento sostible empregando imaxes, mapas, gráficas... facendo propostas de solución cara problemas e retos do futuro. | PE | 3 | 30 |
| CA1.4 Identificar os elementos da contorna e comprender o seu funcionamento como un sistema complexo por medio da análise multicausal das súas relacións naturais e humanas, presentes e pasadas, valorando o grao de conservación e de equilibrio dinámico. | Realiza un exercicio escrito cun nivel suficiente, demostrando o seu coñecemento sobre os tipos de poboamento que hai en España e Galicia e como evolucionaron, así como cales son os problemas que presentan. | PE | 3 | 30 |
| CA2.3 Transferir adecuadamente a información e o coñecemento por medio de narracións, pósteres, presentacións, exposicións orais, medios audiovisuais e outros produtos. | Expón con certa soltura, despois da súa elaboración, un traballo sobre os problemas do despoboamento rural e o crecemento das cidades e a súa relación co medio ambiente. | TI | 3 | 10 |
| CA3.7 Adoptar un papel activo e comprometido coa contorna, de acordo con aptitudes, aspiracións, intereses e valores propios, a partir da análise crítica da realidade económica, da distribución e xestión do traballo, e a adopción de hábitos responsables, saudables, sustentables e respectuosos coa dignidade humana e a doutros seres vivos, así como da reflexión ética ante os usos da tecnoloxía e a xestión do tempo libre. | Realiza con certa soltura un informe sobre o seu compromiso coa contorna e o poboamento humano indicando os retos futuros e explicando con certa claridade o influxo económico e laboral no poboamento. | TI | 3 | 10 |
| Lenda: %: Peso orientativo (o profesorado debe axustalo á súa programación); PE: Proba escrita, TI: Táboa de indicadores | ||||