O presente REA (Recuso Educativo Aberto) vai dirixido ao alumnado da materia de Xeografía e Historia de 3º da ESO. Os contidos do REA falan das relacións entre a natureza e a sociedade, valorando a pegada humana no medio e as ameazas que provocan na Terra e na nosa contorna próxima (a Península, Galicia, a nosa comarca, o noso concello...).  Para entender a pegada humana é preciso coñecer o espazo natural, rural e urbano, analizando as formas de poboamento e a súa transformación, no mundo e na nosa terra.

Para lograr os obxectivos e acadar as competencias necesarias, o REA formula un reto no que o alumnado deberá empregar todos os coñecementos adquiridos durante as fases anteriores do recurso. Así, a través dos textos contidos no REA como no material descargable, o alumnado aprenderá como se estruturaban os enclaves humanos (rurais e urbanos) ao longo da historia e como, as tarefas económicas, condicionan eses espazos poboacionais.