Criterios de avaliación e mínimos de consecución
Na seguinte táboa aparecen recollidos os criterios de avaliación, os mínimos de consecución que se contemplan para cada criterio, os instrumentos de avaliación previstos e a súa ponderación das tres unidades didácticas que se traballan neste recurso, tendo en conta a programación modelo publicada en Proens.
Ante esta circunstancia, é preciso detallar que o peso establecido na programación modelo das unidades didácticas deste recurso é:
- 10 % - UD 5 Instrumentos da tradición musical occidental Europea: Timbre I.
- 10 % - UD 10 Música popular urbana, medios de comunicación e cine.
- 5 % - UD 11 Música e tecnoloxía: ferramentas dixitais de edición, recepción e creación.
| Códigos CA: descrición dos criterios de avaliación | Mínimos de consecución | Instrumentos de avaliación | % (Orientación de Proens) | Unidade/s didáctica/s (Proens) |
|---|---|---|---|---|
| CA1.1 - Identificar os principais trazos estilísticos de obras musicais e dancísticas de diferentes épocas e culturas, evidenciando unha actitude de apertura, interese e respecto na súa escoita ou na súa visualización. | Identificar os diferentes instrumentos e agrupacións clasificándoos por familias e segundo a época correspondente. | PE (Non incluída no REA) | 20 | UD5 Instrumentos da tradición musical occidental Europea: Timbre I |
| CA1.2 - Explicar cun vocabulario apropiado e cunha actitude aberta e respectuosa as ideas, sentimentos e emocións propias que nos suxiran as propostas estudadas, así como as funcións desenvolvidas por determinadas producións musicais e dancísticas, relacionándoas coas principais características do seu contexto histórico, social e cultural, a través da audición, da visualización ou da asistencia a eventos musicais. | Expresar cun vocabulario axeitado ideas, emocións e opinións sobre os diferentes timbres instrumentais traballados nesta unidade. | TI | 20 | |
| CA2.3 - Ler partituras sinxelas, identificando de forma guiada os elementos básicos da linguaxe musical, demostrando coñecemento dos elementos estudados, así como habilidades musicais básicas individuais e grupais. | Ler as partituras instrumentais propostas nesta unidade didáctica. | TI | 20 | |
| CA3.1 - Valorar a importancia do noso patrimonio musical e dancístico tradicional e popular, así como o doutras culturas musicais do mundo, sendo consciente da súa relevancia e influencia na evolución da música ata a actualidade. | Mostrar respecto cara os instrumentos e as agrupacións traballados nesta unidade didáctica, valorando a súa importancia e a súa influencia nas músicas actuais. | TI | 20 | |
| CA3.2 - Identificar as características e os elementos técnicos de propostas musicais da nosa cultura e doutras, analizando os aspectos comúns e as diferenzas entre elas. | Identificar as características técnicas específicas dos diferentes instrumentos musicais estudados. | PE (Non incluída no REA) | 20 | |
| CA1.1 - Identificar os principais trazos estilísticos de obras musicais e dancísticas de diferentes épocas e culturas, evidenciando unha actitude de apertura, interese e respecto na súa escoita ou na súa visualización. | Identificar as principais características das músicas urbanas, así como a función da música no cine e os medios de comunicación. | PE (Non incluída no REA) | 20 | UD10 Música popular urbana, medios de comunicación e cine |
| CA2.4 - Empregar técnicas básicas de interpretación vocal, corporal ou instrumental, aplicando estratexias de memorización e valorando os ensaios como espazos de escoita e aprendizaxe, así como mostrando iniciativa nos procesos creativos e interpretativos. | Empregar a técnica básica que permita executar instrumental, vocal ou corporalmente as músicas traballadas nesta unidade didáctica. | TI | 10 | |
| CA2.6 - Planificar e desenvolver, con creatividade, propostas artístico-musicais, tanto individuais como colaborativas, empregando medios musicais e dancísticos, así como ferramentas analóxicas e dixitais, con actitude inclusiva e cohesionadora. | Participar na planificación e a creación de propostas artístico-musicais grupais desenvolvidas nesta unidade didáctica. | TI | 20 | |
| CA3.3 - Interpretar con corrección pezas musicais e dancísticas sinxelas, individuais e grupais, das diferentes culturas estudadas, valorando e mantendo unha actitude de respecto cara ao patrimonio artístico das diferentes culturas que conforman o mundo. | Interpretar con corrección as músicas propostas nesta unidade didáctica. | TI | 20 | |
| CA3.4 - Participar activamente na planificación e na execución de propostas artístico-musicais colaborativas, valorando as achegas do resto dos integrantes do grupo e descubrindo oportunidades de desenvolvemento persoal, social, académico e profesional, usando medios audiovisuais e tecnoloxías dixitais. | Contribuír a crear un proxecto de repertorio grupal propio, no que se inclúan pezas de música urbana ou cinematográfica, seguindo as directrices propostas polo profesorado. | TI | 10 | |
| CA3.6 - Utilizar as características e os elementos propios da cultura musical galega como base para crear diferentes composicións musicais, escénicas e/ou dancísticas executadas a través da voz, do corpo ou dos instrumentos. | Crear ou interpretar unha peza musical ou dancística con elementos propios da cultura musical galega, propoñendo o seu uso para unha escena cinematográfica ou anuncio de radio ou televisión. | TI | 20 | |
| CA1.3 - Ler, escoitar e analizar partituras sinxelas, a través de diferentes soportes audiovisuais, identificando de forma guiada os elementos básicos da linguaxe musical. | Coñecer e utilizar diferentes soportes audiovisuais para escoitar, visualizar e analizar diferentes partituras e pezas musicais e dancísticas. | TI | 30 | UD11 Música e tecnoloxía: ferramentas dixitais de edición, recepción e creación |
| CA2.6 - Planificar e desenvolver, con creatividade, propostas artístico-musicais, tanto individuais como colaborativas, empregando medios musicais e dancísticos, así como ferramentas analóxicas e dixitais, con actitude inclusiva e cohesionadora. | Manexar as ferramentas dixitais de edición, creación e secuenciación de partituras traballadas nesta unidade didáctica. | TI | 30 | |
| CA3.4 - Participar activamente na planificación e na execución de propostas artístico-musicais colaborativas, valorando as achegas do resto dos integrantes do grupo e descubrindo oportunidades de desenvolvemento persoal, social, académico e profesional, usando medios audiovisuais e tecnoloxías dixitais. | Crear un proxecto musical, individual ou grupal, seguindo as pautas dadas polo profesorado, no que se utilicen medios audiovisuais e tecnoloxías dixitais. | TI | 40 | |
| Lenda: %: Peso orientativo (o profesorado debe axustalo á súa programación); PE: Proba escrita, TI: Táboa de indicadores | ||||