Nesta situación de aprendizaxe proponse que toda a clase cree conxuntamente un conto musical, descubrindo e experimentando distintos elementos da linguaxe musical a través da práctica da música e da danza de diferentes partes do mundo. Ao longo do proceso, o alumnado irá coñecendo outras culturas, os seus sons e movementos, aprendendo dunha maneira activa, creativa e compartida.

A través deste recurso preténdese que o alumnado comprenda as características diferenciadas de diversas culturas e interiorice os elementos básicos da música. Así mesmo, búscase que sexa capaz de interpretar música e danza empregando a voz, o corpo e diferentes instrumentos, tanto de maneira individual como colectiva, utilizando partituras adaptadas ao 2.º curso da ESO. A partir da comprensión da linguaxe musical, o alumnado poderá tamén propoñer, improvisar e compoñer pequenos fragmentos musicais.