Temporalización do REA

Esta unidade levarase a cabo en 18 sesións e impartirase ao longo do primeiro trimestre.

Engloba os aspectos curriculares das seguintes unidades didácticas recollidas na da programación modelo de Proens para a materia de Música de 2.º da ESO:

1. Parámetros do son: ruído, música e silencio.
2. Elementos rítmicos e melódicos: duración e altura.
9. A improvisación na música e na danza: improvisación libre e guiada, introdución ao jazz.

A continuación inclúese unha estimación da temporalización recomendada para cada fase deste recurso.

Fase	Seccións	Descrición do traballo a desenvolver	Temporalización
1. Paisaxe sonora	1. Paisaxe sonora 1.1. Do ruído ao ritmo	Sesión de motivación e presentación do reto a través dun conto como fío condutor. Introdución ao reto.	1 sesión
2. Lixo para os ouvidos	2. Lixo para os ouvidos 2.1. Volvendo visible o invisible 2.2. O que nunca escoitas	Conceptos de contaminación acústica e escoita activa. Activación de coñecementos previos sobre as diferencias entre ton, ruído e silencio.	2 sesións
3. Mans ao son	3. Mans ao son 3.1. A que soa o teu centro? 3.2. O ritmo do centro 3.3. Tic-Tac 3.4. Nesta clase non se escribe! 3.5. O ascensor musical 3.6. E ti sen paraugas! 3.7. Quen fala? 3.8. Hora de crear 3.9. Un centro con swing	Parámetros do son. Ritmo: Tipos de compás Figuras musicais e silencios. Indicacións de tempo. Altura: Pentagrama, liñas adicionais e claves. Tipos de alteracións (díese, bemol, becuadro). A escala maior. Intensidade: matices e reguladores. Timbre: interpretación musical con obxectos non musicais e creación de botellófono. Historia do jazz, swing, scat e blues. Improvisación e composición rítmica.	12 sesións
4. A traca final	4. A traca final 4.1. Luces, cámara...	Creación dunha posta en escena e dun discurso sobre a contaminación acústica.	2 sesións
5. Que soen os relampos	5. Que soen os relampos	Representación da actuación relampo e reflexión sobre o aprendido.	1 sesión