Criterios de avaliación e mínimos de consecución
Na seguinte táboa aparecen recollidos os criterios de avaliación, os mínimos de consecución que se recollen para cada criterio, os instrumentos de avaliación previstos e a súa ponderación das tres unidades didácticas que se traballan neste recurso, tendo en conta a programación modelo publicada en Proens.
Ante esta circunstancia, é preciso detallar que o peso establecido na programación modelo das unidades didácticas deste recurso é:
- 5 % - UD 1 Parámetros do son: ruído, música e silencio
- 10 % - UD 2 Elementos rítmicos e melódicos: duración e altura
- 10 % - UD 9 A improvisación na música e na danza: improvisación libre e guiada, introdución ao jazz
| Códigos CA: descrición dos criterios de avaliación | Mínimos de consecución | Instrumentos de avaliación | % (Orientación de Proens) | Unidade/s didáctica/s (Proens) |
|---|---|---|---|---|
|
CA1.3 - Ler, escoitar e analizar partituras sinxelas, a través de diferentes soportes audiovisuais, identificando de forma guiada os elementos básicos da linguaxe musical. |
Recoñecer na partitura os elementos que representan os parámetros do son: figuras musicais, clave, notas musicais, matices e instrumentos para os que está escrita. |
TI | 35 | UD1 Parámetros do son: ruído, música e silencio |
|
CA1.4 - Apreciar a importancia do silencio, da concentración e da atención para traballar a escoita activa, así como crear un marco de respecto aplicando as normas de comportamento individual e grupal. |
Manter silencio na escoita para apreciar as características estudadas na música respectando as preguntas formuladas polo resto de compañeiras e compañeiros e falando nas quendas indicadas. | TI | 35 | |
|
CA2.3 - Ler partituras sinxelas, identificando de forma guiada os elementos básicos da linguaxe musical, demostrando coñecemento dos elementos estudados, así como habilidades musicais básicas individuais e grupais. |
Ler as partituras propostas con corrección, recoñecendo os elementos básicos que conforman os parámetros do son e recoñecendo tamén a súa representación gráfica na música. | TI | 30 | |
|
CA1.3 - Ler, escoitar e analizar partituras sinxelas, a través de diferentes soportes audiovisuais, identificando de forma guiada os elementos básicos da linguaxe musical. |
Recoñecer os principais elementos rítmicos e melódicos nas partituras traballadas: compás, figuras musicais, notas musicais, clave de sol en 2.ª liña, intervalos, tipos de melodías. | TI | 20 | UD2 Elementos rítmicos e melódicos: duración e altura |
|
CA1.4 - Apreciar a importancia do silencio, da concentración e da atención para traballar a escoita activa, así como crear un marco de respecto aplicando as normas de comportamento individual e grupal. |
Respectar as producións das compañeiras e dos compañeiros gardando silencio nos momentos nos que o resto formule as súas dúbidas ou executen o seu papel no conxunto, intervindo cando o profesorado o indique. | TI | 20 | |
|
CA2.3 - Ler partituras sinxelas, identificando de forma guiada os elementos básicos da linguaxe musical, demostrando coñecemento dos elementos estudados, así como habilidades musicais básicas individuais e grupais. |
Ler, coa destreza esixida neste curso, os exercicios e as partituras de percusión corporal, movemento, pequena percusión ou lectura traballados durante as sesións desta unidade. | PE (non incluída no REA) | 30 | |
|
CA2.4 - Empregar técnicas básicas de interpretación vocal, corporal ou instrumental, aplicando estratexias de memorización e valorando os ensaios como espazos de escoita e aprendizaxe, así como mostrando iniciativa nos procesos creativos e interpretativos. |
Executar con precisión as técnicas instrumentais, vocais ou corporais traballadas nas partituras utilizadas nesta unidade. | TI | 30 | |
|
CA2.1 - Participar, con iniciativa, confianza e creatividade, na exploración de técnicas musicais e dancísticas básicas, por medio de improvisacións pautadas, individuais ou grupais, nas cales se empreguen a voz, o corpo, instrumentos musicais ou ferramentas tecnolóxicas. |
Participar activamente nas actividades de improvisación musical e dancísticas propostas nesta unidade didáctica, achegando ideas propias e con respecto cara as suxestións do resto de compañeiras e compañeiros. | PE (non incluída no REA) | 25 | UD9 A improvisación na música e na danza: improvisación libre e guiada, introdución ao jazz |
|
CA2.2 - Expresar ideas, sentimentos e emocións en actividades pautadas de improvisación, seleccionando as técnicas máis adecuadas de entre as que conforman o repertorio persoal de recursos. |
Expresar ideas propias, sentimentos e emocións nas actividades de improvisación propostas nesta unidade didáctica, investigando con mentalidade aberta as propias posibilidades e os recursos improvisatorios. | TI | 30 | |
|
CA3.4 - Participar activamente na planificación e na execución de propostas artístico-musicais colaborativas, valorando as achegas do resto dos integrantes do grupo e descubrindo oportunidades de desenvolvemento persoal, social, académico e profesional, usando medios audiovisuais e tecnoloxías dixitais. |
Contribuír a crear un proxecto de repertorio grupal propio, no que se inclúan fragmentos improvisados, seguindo as técnicas propostas polo profesorado. | TI | 45 | |
| Lenda: %: Peso orientativo (o profesorado debe axustalo á súa programación); PE: Proba escrita, TI: Táboa de indicadores | ||||