Criterios de avaliación e mínimos de consecución

Na seguinte táboa recóllense os criterios de avaliación, os mínimos de consecución que se contemplan para cada criterio, os instrumentos de avaliación previstos e a súa ponderación tomando como referencia a proposta de Proens.

Códigos CA: descrición dos criterios de avaliación	Mínimos de consecución	Instrumentos de avaliación	Unidade/didáctica/(Proens)	% (Orientación de Proens)
CA2.1 - Comprender o sentido global, a estrutura, a información máis relevante en función das necesidades comunicativas e a intención do emisor en textos orais e multimodais sinxelos de diferentes ámbitos, analizando a interacción entre os diferentes códigos.	Detecta, a través de textos dados, as principais propiedades dun texto: coherencia, cohesión e adecuación.	PE	UD 7	15
CA3.1 - Comprender e interpretar o sentido global, a estrutura, a información máis relevante e a intención do emisor de textos escritos e multimodais sinxelos de diferentes ámbitos que respondan a diferentes propósitos de lectura, realizando as inferencias necesarias.	Logo de representar en grupos unha escena representativa da peza teatral de lectura obrigatoria, establece vínculos entre esta e distintos aspectos da actualidade (igualdade de xénero, micromachismos, linguaxe discriminatoria etc.).	PE	UD 7	15
CA3.2 - Valorar a forma e o contido de textos sinxelos avaliando a súa calidade, fiabilidade e idoneidade da canle utilizada, así como a eficacia dos procedementos comunicativos empregados.	Analiza a forma e o contido da obra teatral de lectura obrigatoria do 3º trimestre desde unha perspectiva de xénero valorando os procedementos comunicativos empregados.	PE	UD 7	15
CA3.7 - Explicar e argumentar, coa axuda de pautas e modelos, a interpretación das obras lidas a partir da análise das relacións internas dos seus elementos constitutivos co sentido da obra, atendendo á configuración dos xéneros e subxéneros literarios.	Identifica as características básicas dalgúns subxéneros do xénero dramático (traxedia, comedia, drama, obra didáctica...)	PE	UD 7	15
CA3.8 - Establecer de maneira guiada vínculos argumentados entre os textos lidos e outros textos escritos, orais ou multimodais, así como con outras manifestacións artísticas en función de temas, tópicos, estruturas, linguaxe e valores éticos e estéticos, mostrando a implicación e a resposta persoal do lector na lectura.	Relaciona a obra teatral de lectura obrigatoria comparándoa con outros textos e con outras manifestacións artísticas en función de temas, tópicos, estruturas e linguaxes (cine, música, banda deseñada...).	PE	UD 7	15
CA4.1 - Incorporar procedementos básicos para enriquecer os textos, atendendo a aspectos discursivos, lingüísticos e de estilo, con precisión léxica e corrección ortográfica e gramatical, valorando o uso do léxico tradicional e as construcións morfosintácticas máis xenuínas.	Identifica, en oracións simples, as funcións de complemento axente, atributo e complemento predicativo.	PE	UD 7	10
CA1.2 - Identificar, a partir da observación da diversidade lingüística da contorna, prexuízos e estereotipos lingüísticos, adoptando unha actitude de respecto e valoración da riqueza cultural, lingüística e dialectal.	Recoñece os principais trazos fonéticos e morfolóxicos do bloque e área lingüística na que se insire a súa contorna e valora estes fenómenos como mostra da riqueza dialectal do galego.	TI	UD 7	15
Lenda: %: Peso orientativo (o profesorado debe axustalo á súa programación); PE: Proba escrita, TI: Táboa de indicadores

Actividades e instrumentos empregados no REA

Na seguinte táboa concrétanse as actividades ou retos empregados no REA do alumnado en relación con cada criterio de avaliació e indícase en cada caso o instrumento de avaliación concreto considerado.

Criterios de avaliación	Actividades ou exercicios / Seccións do REA	Instrumentos empregados
CA2.1 - Comprender o sentido global, a estrutura, a información máis relevante en función das necesidades comunicativas e a intención do emisor en textos orais e multimodais sinxelos de diferentes ámbitos, analizando a interacción entre os diferentes códigos.	Lectura dramatizada e/ou visualización de fragmentos de Ícaras. Análise guiada de escenas representadas polo profesorado ou polo alumnado. Actividades de identificación de coherencia, cohesión e adecuación en textos orais e multimodais.	Observación directa Rúbrica
CA3.1 - Comprender e interpretar o sentido global, a estrutura, a información máis relevante e a intención do emisor de textos escritos e multimodais sinxelos de diferentes ámbitos que respondan a diferentes propósitos de lectura, realizando as inferencias necesarias.	Lectura facilitada da obra Ícaras. Actividades de comprensión lectora e interpretación guiada. Entradas do diario de aprendizaxe vinculadas á lectura e á interpretación da obra.	Observación directa Rúbrica
CA3.2 - Valorar a forma e o contido de textos sinxelos avaliando a súa calidade, fiabilidade e idoneidade da canle utilizada, así como a eficacia dos procedementos comunicativos empregados.	Análise da obra Ícaras desde unha perspectiva crítica e de xénero. Comparación entre diferentes formas de representación (texto escrito, escena teatral, vídeo-performático).	Observación directa Rúbrica Informe de progreso
CA3.7 - Explicar e argumentar, coa axuda de pautas e modelos, a interpretación das obras lidas a partir da análise das relacións internas dos seus elementos constitutivos co sentido da obra, atendendo á configuración dos xéneros e subxéneros literarios.	Actividades sobre o xénero dramático e os seus subxéneros (traxedia, comedia, drama…). Análise das características do texto teatral aplicadas á obra Ícaras.	PE
CA3.8 - Establecer de maneira guiada vínculos argumentados entre os textos lidos e outros textos escritos, orais ou multimodais, así como con outras manifestacións artísticas en función de temas, tópicos, estruturas, linguaxe e valores éticos e estéticos, mostrando a implicación e a resposta persoal do lector na lectura.	Actividades de conexión entre Ícaras e outros textos, escenas, cancións, imaxes ou situacións da realidade actual. Actividade “Cousas que nos cortan as ás”.	Rúbrica Informe de progreso
CA4.1 - Incorporar procedementos básicos para enriquecer os textos, atendendo a aspectos discursivos, lingüísticos e de estilo, con precisión léxica e corrección ortográfica e gramatical, valorando o uso do léxico tradicional e as construcións morfosintácticas máis xenuínas.	Elaboración e revisión dos guións dos sketchs teatrais. Revisión guiada dos textos creados (coherencia, cohesión, funcións sintácticas básicas).	Rúbrica Informe de Progreso TI
CA1.2 - Identificar, a partir da observación da diversidade lingüística da contorna, prexuízos e estereotipos lingüísticos, adoptando unha actitude de respecto e valoración da riqueza cultural, lingüística e dialectal.	Actividades de reflexión sobre linguaxe discriminatoria, micromachismos e diversidade lingüística. Uso consciente da lingua galega nos sketchs e nas actividades de aula.	Rúbrica Informe de Progreso