Criterios de avaliación e mínimos de consecución
Na seguinte táboa recóllense os criterios de avaliación, os mínimos de consecución que se contemplan para cada criterio, os instrumentos de avaliación previstos e a súa ponderación segundo a programación proposta en Proens.
| Códigos CA: descrición dos criterios de avaliación | Mínimos de consecución | Instrumentos de avaliación | Unidade/s didáctica/s (Proens) | % (Orientación de Proens) |
|---|---|---|---|---|
| CA2.1- Comprender o sentido global, a estrutura, a información máis relevante en función das necesidades comunicativas e a intención do emisor en textos orais e multimodais sinxelos de diferentes ámbitos, analizando a interacción entre os diferentes códigos. | Participa activamente no obradoiro de banda deseñada identificando as súas características formais e os seus principais elementos constitutivos. |
TI | UD6 | 15 % |
| CA3.1- Comprender e interpretar o sentido global, a estrutura, a información máis relevante e a intención do emisor de textos escritos e multimodais sinxelos de diferentes ámbitos que respondan a diferentes propósitos de lectura, realizando as inferencias necesarias. | Comprende o sentido global dun cómic proporcionado polo/a ilustrador/a que imparte o obradoiro recoñecendo algúns dos recursos expresivos máis significativos de dito texto. |
TI | 15 % | |
| CA3.3- Localizar, seleccionar e contrastar información de maneira guiada procedente de diferentes fontes calibrando a súa fiabilidade e pertinencia en función dos obxectivos de lectura, adoptando un punto de vista crítico e respectando os principios de propiedade intelectual. | En grupos de tres ou catro estudantes, selecciona información para realizar un traballo sobre o cómic en galego (orixes, evolución, temáticas, autoras e autores destacados...). Respéctanse os principios de propiedade intelectual e indícanse correctamente as fontes consultadas. |
TI | 20 % | |
| CA3.5- Elixir e ler textos a partir de preseleccións guiándose polos propios gustos, intereses e necesidades e deixando constancia do propio itinerario lector e da experiencia da lectura. | Logo de visitar a biblioteca escolar, elixe un cómic explicando ás compañeiras e compañeiros o motivo da súa escolla; tamén podes expresarlles a túa opinión sobre algún outro lido con anterioridade. |
TI | 10 % | |
| CA3.9- Crear textos persoais ou colectivos con intención literaria e conciencia de estilo, en distintos soportes e con axuda doutras linguaxes artísticas e audiovisuais, a partir da lectura de obras ou fragmentos significativos nos que se empreguen as convencións formais dos diversos xéneros e estilos literarios. | Por parellas, crea unha páxina dun cómic colectivo inspirado no libro de lectura obrigatoria do 2º trimestre |
TI | 20 % | |
| CA4.2- Localizar, seleccionar e contrastar información de maneira progresivamente autónoma procedente de diferentes fontes, calibrando a súa fiabilidade e pertinencia en función dos obxectivos de lectura e adoptando un punto de vista crítico e respectando os principios de propiedade intelectual. | Logo de localizar e contrastar a información pertinente e de rematar a fase de creación, grava un breve vídeo explicativo sobre o proceso. |
TI | 10 % | |
| CA4.3- Revisar os textos propios de maneira guiada e facer propostas de mellora argumentando as mudanzas a partir da reflexión metalingüística e cunha linguaxe específica e identificar e emendar algúns problemas de comprensión lectora utilizando os coñecementos explícitos sobre a lingua e o seu uso. | Logo de revisar os traballos incluídos no proxecto coa axuda do profesorado, recoñece os erros formais e de contido detectados e os corríxeos. |
TI | 10 % | |
| Lenda: %: Peso orientativo (o profesorado debe axustalo á súa programación); PE: Proba escrita, TI: Táboa de indicadores. | ||||