Criterios de avaliación e mínimos de consecución
Táboa na que se recollen os criterios de avaliación, os mínimos de consecución que se contemplan para cada criterio, os instrumentos de avaliación previstos e a súa ponderación (en base á proposta de Proens). Este REA inclúe as UD7 e 8 da programación de Proens, tendo un 10 % de peso na materia cada unha delas.
|
Códigos CA: descrición dos criterios de avaliación |
Mínimos de consecución |
Instrumentos de avaliación |
Unidade/s didáctica/s (Proens) |
% (Orientación de Proens) |
|---|---|---|---|---|
|
CA2.3 - Comprender e interpretar o sentido global, a estrutura, a información máis relevante e a intención do emisor en textos escritos e multimodais sinxelos de diferentes ámbitos que respondan a diferentes propósitos de lectura, realizando as inferencias necesarias. |
Responder adecuadamente a preguntas precisas sobre o sentido global, a intención da persoa emisora, a estrutura de textos multimodais propios da Rede e a súa información máis importante. |
PE (non incluída no REA) |
UD7 |
20 % |
|
CA2.4 - Valorar a forma e o contido de textos sinxelos, avaliando a súa calidade, a súa fiabilidade, a súa eficacia e a idoneidade da canle utilizada. |
Valorar, en textos escritos sinxelos, a calidade, a fiabilidade e os principais procedementos comunicativos empregados para enriquecelos. |
TI |
UD7 |
15 % |
|
CA2.5 - Localizar, seleccionar e contrastar información de maneira guiada procedente de diferentes fontes calibrando a súa fiabilidade e pertinencia en función dos obxectivos de lectura. |
Discriminar a información útil percibindo as diferenzas entre a información e as opinións. |
TI |
UD7 |
15 % |
|
CA2.6 - Adoptar hábitos de uso crítico, seguro, sostible e saudable das tecnoloxías dixitais en relación coa busca e coa comunicación da información. |
Valorar a fiabilidade das fontes nas que se informa sendo consciente dos perigos que supón para a privacidade facilitar información persoal na Rede. |
TI |
UD7 |
15 % |
|
CA2.8 - Identificar os usos discriminatorios da lingua, os abusos de poder a través da palabra e os usos manipuladores da linguaxe a partir da reflexión e da análise dos elementos lingüísticos, textuais e discursivos utilizados, así como dos elementos non verbais que rexen a comunicación entre as persoas. |
Detectar, como mínimo, os usos sexistas e discriminatorios na linguaxe verbal e icónica. |
TI |
UD7 |
10 % |
|
CA3.3 - Planificar a redacción de textos escritos e multimodais sinxelos, atendendo á situación comunicativa, ao destinatario, ao propósito e á canle; redactar borradores e revisalos coa axuda do diálogo entre iguais e dos instrumentos de consulta e presentar un texto final coherente, cohesionado e co rexistro adecuado. |
Producir textos propios das redes sociais utilizando o rexistro adecuado e presentando as ideas de maneira coherente e cohesionada. |
PE (non incluída no REA) |
UD7 |
15 % |
|
CA3.7 - Revisar os textos propios de maneira guiada e facer propostas de mellora, argumentando as mudanzas a partir da reflexión metalingüística e interlingüística e cunha metalinguaxe específica, consultando de forma progresivamente autónoma dicionarios, manuais e gramáticas. |
Utilizar correctamente o dicionario, os manuais de consulta e os correctores ortográficos para a revisión lingüística, ortográfica e gramatical dos textos (signos de puntuación incluídos). |
TI |
UD7 |
10 % |
|
CA4.2 - Comprender e interpretar o sentido global, a estrutura, a información máis relevante e a intención do emisor en textos literarios escritos e multimodais sinxelos que respondan a diferentes propósitos de lectura, realizando as inferencias necesarias. |
Comprender composicións seleccionadas da lírica actual, analizándoas e interpretando axeitadamente a intención da persoa emisora e a situación comunicativa descrita. |
PE (non incluída no REA) |
UD8 |
15 % |
|
CA4.3 - Valorar a forma e o contido de textos literarios sinxelos avaliando a súa calidade e a eficacia dos procedementos comunicativos empregados. |
Localizar en textos procedentes da lírica actual os principais recursos expresivos e as características formais e temáticas presentes neles, valorando o seu efecto sobre a persoa receptora. |
PE (non incluída no REA) |
UD8 |
15 % |
|
CA4.4 - Elixir e ler textos a partir de preseleccións guiándose polos propios gustos, intereses e necesidades, deixando constancia do propio itinerario lector e da experiencia da lectura. |
Expresar de forma argumentada, despois da escolla de dous poemas da escolma proporcionada en clase, os motivos da súa elección, vinculándoos con outras mostras poéticas que coñeza. |
TI |
UD8 |
10 % |
|
CA4.5 - Compartir a experiencia da lectura en soportes diversos relacionando o sentido da obra coa propia experiencia biográfica e lectora. |
Compartir coa clase a análise das dúas composicións líricas escollidas, empregando unha guía de lectura para expresar as súas conclusións interpretativas. |
TI |
UD8 |
15 % |
|
CA4.6 - Explicar e argumentar, coa axuda de pautas e modelos, a interpretación das obras lidas a partir da análise das relacións internas dos seus elementos constitutivos co sentido da obra, atendendo á configuración e á evolución dos xéneros e subxéneros literarios. |
Interpretar, coa axuda dunha guía de lectura os textos lidos, vinculándoos ao contexto da obra, a corrente literaria e as características dos xéneros e subxéneros estudados. |
PE (non incluída no REA) |
UD8 |
15 % |
|
CA4.7 - Establecer de maneira guiada vínculos argumentados entre os textos lidos e outros textos escritos, orais ou multimodais, así como con outras manifestacións artísticas e culturais en función de temas, tópicos, estruturas, linguaxe e valores éticos e estéticos, mostrando a implicación e a resposta persoal do alumnado na lectura. |
Establecer vínculos entre os textos lidos, agrupándoos en parentescos literarios e relacionándoos con outras expresións artísticas como a colaxe, a pintura e as matemáticas. |
TI |
UD8 |
15 % |
|
CA4.8 - Crear textos persoais ou colectivos con intención literaria e conciencia de estilo, en distintos soportes e coa axuda doutras linguaxes artísticas e audiovisuais, partindo da lectura de obras ou fragmentos significativos en que se empreguen as convencións formais dos diversos xéneros e estilos literarios. |
Producir, nun obradoiro de escritura creativa, mostras de cadáveres exquisitos e poemas elásticos, en diversos formatos, respectando as convencións xenéricas e artísticas. |
PE (non incluída no REA) |
UD8 |
15 % |
| Lenda: %: peso orientativo (o profesorado debe axustalo á súa programación); PE: proba escrita, TI: táboa de indicadores | ||||