O REA Viñetas en Movimiento pretende iniciar ao alumnado na materia de Física co estudo do movemento, pero abordado desde un punto de vista preto a elas e eles, que é o da seguridade viaria na súa contorna. A finalidade do reto que se propón neste REA é a realización dunha campaña de seguridade viaria mediante un cómic.

O REA se desenvolve ao longo de 5 fases:

• Fase 1 - Descrición: La escena inicial
• Fase 2 - Exploración: ¡Ponte en marcha!
• Fase 3 - Conexión: Equipo de reconstrución
• Fase 4 - Reto final: Del informe a la viñeta
• Fase 5 - Conclusión: El salón del cómic

Na fase 1 descríbese o reto que deberán realizar ao final do REA. Nesta etapa búscase a motivación do alumnado para recoñecer a utilidade da física para resolver situacións prácticas. 

Na fase 2 faise un repaso dos conceptos e ferramentas matemáticas que serán a base do desenvolvemento posterior do estudo dos movementos. Revisarase o concepto que ten o alumnado sobre o movemento estimulando o seu espírito crítico, a medida da velocidade, e ferramentas como cambios de unidades e representacións gráficas.

Na fase 3 abórdanse os contidos deste curso sobre os tipos de movemento expoñendo unhas accións de aprendizaxe nas que o alumnado formará parte dun equipo de reconstrución de accidentes de tráfico, e terá que analizar diversas situacións relacionadas con cada tipo de movemento. O enfoque trata de ser o máis realista posible, e contextualizado en accidentes que tiveron lugar na nosa comunidade.

Na fase 4 ponse en práctica todo o aprendido; desenvólvese o reto, que consiste en deseñar unha campaña de concienciación de seguridade viaria, en formato cómic, baseada nos casos analizados na fase 3 ou similares.

A fase 5 consiste en expoñer as campañas deseñadas para explicarllas aos compañeiros e compañeiras ou o resto da comunidade educativa, así como para avaliar os traballos dos equipos entre si.

O substrato do REA

A idea que subxace en todo o REA é a concienciación sobre seguridade viaria.

A intención das equipo elaborador é que o alumnado sexa consciente de que na vida cotiá, prodúcense situacións reais nas que a física do movemento resulta esencial para entender o que ocorre, especialmente na análise e reconstrución de accidentes de tráfico. Algunhas destas situacións son sinxelas, mentres que outras requiren un razoamento máis complexo, no que é fundamental recoller datos, analizalos e propoñer explicacións e solucións fundamentadas.

O deseño de estratexias para interpretar estes feitos reais comeza por coñecer o contexto no que se producen. Por iso, ao longo deste REA preséntanse escenas de circulación viaria, explican conceptos como velocidade, aceleración ou distancia de freado, e sitúan ao alumnado en casos prácticos de accidentes que deben ser analizados desde a física.

As actividades están pensadas para desenvolver o pensamento crítico, axudar a relacionar teoría e realidade e favorecer a comprensión e memorización dos conceptos físicos, adaptándose a distintos niveis para que todo o alumnado poida participar activamente na aprendizaxe e tomar conciencia da importancia dunha mobilidade segura.